Aqtóbe oblysynyń ákimi Berdibek Saparbaev tanymal ánshi Dimash Qudaibergenniń úlken kontsertin ótkizýdi josparlap júrgenin aitty, dep xabarlaidy QazAqparat tilshisi.
«Dimash - bizdiń maqtanyshymyz. Ol Qazaqstannyń atyn álemdik deńgeide tanytyp júr. Sondyqtan oǵan qoldaý kórsetýimiz kerek. Ózimiz de kómektesip otyramyz. Biyl Dimashtyń qatysýymen «Baqytty bala» atty úlken kontsert uiymdastyryldy. Óner ortalyǵynda anshlag boldy. Osy jyldy biz «Baqytty balalyq shaq» dep jariialadyq. Sonyń aiasynda Dimash xalyqaralyq deńgeide kontsert berdi. Oǵan 24 eldiń ókilderi qatysty. 63 jastaǵy bir áiel sonaý Kishi Aziiadan Dimashtyń daýysyn estimin dep, Qazaqstanǵa arnaiy keldi», - dedi B.Saparbaev Astanada ótken baspasóz máslixatynda.
Oblys basshysynyń aitýynsha, Dimash Qudaibergen Aqtóbede jyl saiyn kontsert ótkizýge kelisken.
«Oǵan qosa, kelesi jyly Aqtóbeniń qurylǵanyna 150 jyl tolady. Qazir biz qyzý daiyndalyp jatyrmyz. Árine, sol kezde Dimashtyń qatysýymen jaqsy bir kontsert uiymdastyramyz. Bálkim, stadionda, ia bolmasa, ortalyq alańda úlken bir kontsert ótkizemiz», - dep atap kórsetti Berdibek Mashbekuly.
