Aqtóbede ǵimarat opyrylǵan kezde zardap shekken 1988 jylǵy áiel jansaqtaý bóliminde qaitys boldy. Bul týraly oblystyq Densaýlyq saqtaý basqarmasynyń basshysy málimdedi.
1988 jyly týǵan Lázzat Myrzageldina Aqtóbe oblysy boiynsha "Aýyl sharýashylyǵyn qarjylai qoldaý qory" AQ filialynyń monitoring bóliminiń mamany qyzmetin atqarǵan.
Ókinishke orai, úiindi astynda qalǵan qyzmetkerdi aman alyp qalý múmkin bolmaǵan. Ol kóptegen jaraqat alyp, qabyrǵasy synǵan edi. Búgin, 2 qyrkúiekte aýrýhanada qaitys boldy.
«Aýrýhanaǵa eki naýqas jetkizildi. Bireýine kómek kórsetip, úiine jiberildi. Al ekinshisiniń jaǵdaiy óte aýyr boldy. Esin bilmedi. Birden jansaqtaý bólimine jatqyzyldy. Keýde, bas-mi jaraqaty boldy», - dedi oblystyq jádel járdem aýrýhanasynyń bas dárigeri Serik Qapanov. 33 jastaǵy áiel esin jimastan kóz jumǵan.
