اقتٶبەدە عيمارات وپىرىلعان كەزدە زارداپ شەككەن 1988 جىلعى ەيەل جانساقتاۋ بٶلٸمٸندە قايتىس بولدى. بۇل تۋرالى وبلىستىق دەنساۋلىق ساقتاۋ باسقارماسىنىڭ باسشىسى مەلٸمدەدٸ.
1988 جىلى تۋعان لەززات مىرزاگەلدينا اقتٶبە وبلىسى بويىنشا "اۋىل شارۋاشىلىعىن قارجىلاي قولداۋ قورى" اق فيليالىنىڭ مونيتورينگ بٶلٸمٸنٸڭ مامانى قىزمەتٸن اتقارعان.
ٶكٸنٸشكە وراي, ٷيٸندٸ استىندا قالعان قىزمەتكەردٸ امان الىپ قالۋ مٷمكٸن بولماعان. ول كٶپتەگەن جاراقات الىپ, قابىرعاسى سىنعان ەدٸ. بٷگٸن, 2 قىركٷيەكتە اۋرۋحانادا قايتىس بولدى.
«اۋرۋحاناعا ەكٸ ناۋقاس جەتكٸزٸلدٸ. بٸرەۋٸنە كٶمەك كٶرسەتٸپ, ٷيٸنە جٸبەرٸلدٸ. ال ەكٸنشٸسٸنٸڭ جاعدايى ٶتە اۋىر بولدى. ەسٸن بٸلمەدٸ. بٸردەن جانساقتاۋ بٶلٸمٸنە جاتقىزىلدى. كەۋدە, باس-مي جاراقاتى بولدى», - دەدٸ وبلىستىق جەدەل جەردەم اۋرۋحاناسىنىڭ باس دەرٸگەرٸ سەرٸك قاپانوۆ. 33 جاستاعى ەيەل ەسٸن جيماستان كٶز جۇمعان.
