Aqtóbede dári-dármek tasymaldaityn kólik iesi Aqtóbe-Oral baǵytynda jasyryn adam tasymaldaǵan, dep habarlaidy "Ult aqparat".
Aqtóbe oblysynyń PD qyzmetkerleri jasyryn qalaaralyq tasymaldaýmen ainalysqan júrgizýshini anyqtady. Aqtóbe qalasynyń Qobda baǵytyndaǵy №1 blokpostta «Honda-Eliýzion» kóligi toqtatyldy. Onda júrgizýshiden bólek taǵy tórt jolaýshy bolǵan.
«Tekserý barysynda avtokólik júrgizýshisi farmatsevtika kompaniiasynyń ókilimen Aqtóbe qalasynan Oral qalasyna dárilik zattardy tasymaldaǵany anyqtaldy. «Indraiver» qosymshasynyń kómegimen júrgizýshi jáne farmatsevtika kompaniiasynyń ókili Aqtóbege jolaýshy jinap, tasymaldaǵan. Tórt jolaýshyǵa ÁQBtK-niń «Tótenshe jaǵdai rejimin buzý» baby boiynsha ákimshilik hattama toltyryldy. Al júrgizýshige ÁQBtK-niń «Tótenshe jaǵdai kezinde qoǵamdyq tártipti buzýǵa itermeleitin áreketter» baby boiynsha hattama toltyrylyp, materialdar sheshim qabyldaý úshin Aqtóbe qalasynyń mamandandyrylǵan ákimshilik sotyna jiberildi», - dedi oblystyq PD baspasóz qyzmetiniń jetekshisi Erbolat Sarqulov.
