Foto: Aqtóbe oblysynyń Politsiia departamenti
Aqtóbede oqýshylar mingen kóliktiń aýdarylyp qalýyna júrgizýshiniń kinási bar. Ol rýlde qalǵyp ketken. Qazirgi kezde sport mektebiniń basshylaryna qatysty da qylmystyq is qozǵalyp jatyr, dep habarlaidy QazAqparat agenttigi.
Aqtóbe-Bolgarka-Shubarqudyq tasjolynda bolǵan oqiǵany Alǵa aýdandyq politsiia bólimi tergep jatyr. Al júrgizýshi qamaýǵa alynǵan.
Birneshe saraptama taǵaiyndaldy. Aldyn-ala belgili bolǵany, júrgizýshi ishimdik ishpegen.
«Jol-kólik oqiǵasyna qatysty Qylmystyq kodekstiń 345-baby 3-bóligi boiynsha is qozǵaldy. Júrgizýshi jol erejesin saqtamaǵan. Birden qamaýǵa alyndy. Ol qalǵyp ketken, kólik ishine shamadan tys kóp bala otyrǵyzǵan», - dedi oblystyq PD bastyǵynyń orynbasary Ǵalym Baijanov.
Sonymen birge aýdandyq balalar jáne jasóspirimder sport mektebiniń basshylary da osy iske jaýapty.
Olarǵa qatysty Qylmystyq kodekstiń «Salǵyrttyq», «Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tiisinshe oryndamaý» baptary boiynsha is qozǵalyp, tergeý júrip jatyr.
Oblystyq PD bastyǵy orynbasarynyń aitýynsha, jol apatyn videoǵa túsirip, balalardyń jerde jatqanyn kórsetken adam áli tabylmaǵan.
Tergeý jumystary kezinde anyqtap, qylmystyq jaýapqa tartylmaq. Eske salsaq, buǵan deiin jas sportshylardyń ata-analardy dál sol adamdy taýyp, jazalaýdy suraǵan edi.
Aita keteiik Aqtóbe oblysy boiynsha 38 balalar-jasóspirimder sport mektebi bar.
Onda tek 9 avtobýs qarastyrylǵan. Onyń tórteýi qalada, ózgesi aýdandarda. Oqiǵa bolǵan Temir aýdanyndaǵy sport mektebinde avtobýs joq.
«Oblystaǵy orta mektepterde barlyǵy 118 mektep avtobýsy bar. Mektepke arnalǵan avtobýs balalardy mektepke tasymaldaidy. Sonymen birge saiajalarda turatyn balalardy tasymaldaýǵa arnalǵan. Bul jaǵdaida aýdandyq bilim bólimine sabaqtan bosatý týraly usynys túsken. Alaida tasymaldaý týraly usynys eshteńe aitalmaǵan», - dedi oblystyq bilim basqarmasy basshysynyń orynbasary Nurgúl Bertileýova.
Al oblystyq dene shynyqtyrý jáne sport basqarmasynyń basshysy Evgenii Goncharov buǵan deiin mundai jaǵdai tirkelmegenin, oblys kýbogi jyl saiyn uiymdastyrylatynyn aitty.
Ári aýdandyq sport mektepterine qarjy bólinedi. Al ony tiimdi jumsaý, jarystarǵa qatysý kestesin belgileý direktor men jattyqtyrýshylardyń enshisinde.
«Men ózimdi jaýapty sezinem. Alaida jumystan shyǵam nemese ornymda qalamyn ba, ony ózim sheshpeimin», - dedi Evgenii Goncharov.
