Aqtóbe oblystyq shtaby men bas sanitar dáriger ruqsat etse, 18 mamyrdan keiin balabaqshalar kezeń-kezeńimen iske qosylady, dep habarlaidy "Ult aqparat".
Aqtóbe oblystyq bilim basqarmasynyń basshysy Lázzat Orazbaevanyń aitýynsha, jumys isteitin balabaqshalarǵa birneshe talap qoiylady. Aldymen bir kezekshi top bolady. Jatyn bólmede 1 metr araqashyqtyq saqtalýy mindetti. Sonymen birge ár topqa 15 balaǵa deiin ǵana qabyldanady. Kún saiyn tańerteń meditsina qyzmetkeri bala men tárbieshini, bala kútýshilerdiń densaýlyǵyn tekseredi. Jótelip, dene qyzýy kóterilip, jedel respiratorly virýstyq infektsiia juqtyrǵan bolsa, bala qabyldanbaidy, qyzmetker jumys istei almaidy.
«Úsh kún boiy balabaqshaǵa kelmei qalmasa, ádettegidei anyqtama qujaty suralady. «COVID-19» virýsyn juqtyrǵandarmen bailanysta bolǵan, ózge aimaqtan kelgen, júkti, 65 jastan asqan, jedel respiratorly virýstyq infektsiia juqtyrǵan adamdar balalardy baqshaǵa ákelmegeni jón. Ár balabaqsha dezinfektsiialyq suiyqtyqty qoljetimdi jerge qoiýy tiis. Tárbieshiler tamaq isher aldynda, odan keiin, serýendegende qoldy sabyndap jýýdy qadaǵalaýy tiis. Balalardyń bólmesin kvarts shamy qoldanylyp, bólme ishi jii jeldetilýi qajet. Ázirge daiyndyq júrip jatyr. Eger ruqsat berse, 18 mamyrdan keiin balabaqshalar jumys isteidi», - deidi oblystyq bilim basqarmasynyń basshysy Lázzat Orazbaeva.
