Aqtóbe oblysynda avtobýstaǵy órtten zardap shekkenderdiń aty-jóni belgili boldy, qazir olardy Aqtóbe qalasyna apara jatyr, dep habarlaidy "Ult aqparat".
Tótenshe jaǵdailar qyzmeti órtten aman qalǵan úsh qazaqstandyq jáne eki ózbek azamatynyń aty-jónin jariialady. Ońtústik Qazaqstan oblysynyń turǵyndary – 1985 jyly týǵan Maqsat Pernebekov, 1978 jyly týǵan Barat Tańatarov pen 1968 jyly týǵan Nurjan Qyrǵyzbaev, sondai-aq Ózbekstan azamattary – 1988 jyly týǵan Aror Iskakov pen 1980 jyly týǵan Israildjon Mirzahmedov tiri qalǵan.
Qazaqstannyń investitsiia jáne damý ministrliginiń habarlaýynsha, avtobýs Shymkentten Reseidiń Qazan qalasyna bara jatqan. Órt bolǵan jerge Joldaǵy meditsinalyq qutqarý beketi (4 adam jáne 1 tehnika), «QazAvtojol» ókilderi (5 adam jáne 4 tehnika), Yrǵyz aýdanynyń tótenshe jaǵdai bóliminiń basshysy, Yrǵyz aýdanynyń órt bólimshesi (4 adam jáne 1 tehnika) jáne Qarabutaq aýylynyń órt sóndirýshileri jiberilgen.
Ministrlik órtengen avtobýs mindetti tehnikalyq baiqaýdan sońǵy ret 2015 jyly tamyzda ótkenin, onyń merzimi 2016 jyly aqpanda aiaqtalǵanyn málimdedi.
Ońtústik Qazaqstan oblystyq kólik basqarmasynyń bóliminiń habarlaýynsha, Aqtóbe oblysynda órtenip ketken avtobýs atalǵan oblysta tirkelgen, biraq aýdanaralyq jáne oblysaralyq baǵyttarda turaqty qyzmet kórsetpegen.
Qaiǵyly oqiǵa búgin tańerteń Aqtóbe qalasynan 320 shaqyrym jerde bolǵan.
