Ishimdik ishken aqtóbelikter 2 ailyq sábige qaramai, uiyqtap qalǵan. Kórshileri bala daýysynan oianyp, politsiiadan kómek surady, dep habarlaidy "Ult aqparat".
Oqiǵa búgin saǵat 03:30-da tirkeldi. №1 qalalyq politsiia bóliminiń kezekshi bólimine Makarenko kóshesiniń turǵyndary habarlasqan.
Balanyń jylap jatqany týraly habarlamadan soń mekenjaiǵa politsiia qyzmetkerleri jiberildi.
Páterden 2 ailyq náreste tabyldy. Ana-anasy úide mas kúiinde jatyr.
«Tekserý kezinde anasynyń, 32 jastaǵy áieldiń ishki ister organdarynyń esebinde turǵany belgili boldy. Sondyqtan politseiler balany bólimge jetkizdi. Alǵashqy kómek kórsetip, kiindirip, sút berdi. Jedel meditsinalyq qyzmetti shaqyryldy», - dedi oblystyq PD baspasóz qyzmeti.
Qazirgi ýaqytta 2 ailyq bala sábiler úiine jatqyzyldy. Onyń ómiri men densaýlyǵyna eshqandai qaýip tónip turǵan joq.
Ata-anasy qolaisyz otbasy retinde politsiia esebine alyndy. Aldaǵy ýaqytta olardy ata-ana quqyǵynan aiyrý týraly másele qarastyrylady.
