ٸشٸمدٸك ٸشكەن اقتٶبەلٸكتەر 2 ايلىق سەبيگە قاراماي, ۇيىقتاپ قالعان. كٶرشٸلەرٸ بالا داۋىسىنان ويانىپ, پوليتسييادان كٶمەك سۇرادى, دەپ حابارلايدى "ۇلت اقپارات".
وقيعا بٷگٸن ساعات 03:30-دا تٸركەلدٸ. №1 قالالىق پوليتسييا بٶلٸمٸنٸڭ كەزەكشٸ بٶلٸمٸنە ماكارەنكو كٶشەسٸنٸڭ تۇرعىندارى حابارلاسقان.
بالانىڭ جىلاپ جاتقانى تۋرالى حابارلامادان سوڭ مەكەنجايعا پوليتسييا قىزمەتكەرلەرٸ جٸبەرٸلدٸ.
پەتەردەن 2 ايلىق نەرەستە تابىلدى. انا-اناسى ٷيدە ماس كٷيٸندە جاتىر.
«تەكسەرۋ كەزٸندە اناسىنىڭ, 32 جاستاعى ەيەلدٸڭ ٸشكٸ ٸستەر ورگاندارىنىڭ ەسەبٸندە تۇرعانى بەلگٸلٸ بولدى. سوندىقتان پوليتسەيلەر بالانى بٶلٸمگە جەتكٸزدٸ. العاشقى كٶمەك كٶرسەتٸپ, كيٸندٸرٸپ, سٷت بەردٸ. جەدەل مەديتسينالىق قىزمەتتٸ شاقىرىلدى», - دەدٸ وبلىستىق پد باسپاسٶز قىزمەتٸ.
قازٸرگٸ ۋاقىتتا 2 ايلىق بالا سەبيلەر ٷيٸنە جاتقىزىلدى. ونىڭ ٶمٸرٸ مەن دەنساۋلىعىنا ەشقانداي قاۋٸپ تٶنٸپ تۇرعان جوق.
اتا-اناسى قولايسىز وتباسى رەتٸندە پوليتسييا ەسەبٸنە الىندى. الداعى ۋاقىتتا ولاردى اتا-انا قۇقىعىنان ايىرۋ تۋرالى مەسەلە قاراستىرىلادى.
