Búgin Aqtóbe qalasynda «Astana» saiabaǵy saltanatty túrde ashyldy. Oǵan Aqtóbe oblysynyń ákimi Berdibek Saparbaev, oblystyq máslihattyń hatshysy Sániia Qaldyǵulova, qala ákimi Iliias Ispanov, QR Parlamentiniń depýtattary, ziialy qaýym ókilderi, ardagerler jáne qala turǵyndary qatysty.
Elordamyzdyń 20 jyldyǵyna orai «Astana saiabaǵy qurylysy» nysanyna kapsýla salynǵan edi. Qurylys jumystary ústimizdegi jyldyń tamyz aiynyń sońynda bastaldy jáne proekt boiynsha qurylys merzimi 6 aidy quraidy. Nysandy qarjylandyrý «Paryz» qory jáne Astana qalasynyń qory esebinen júrgizilip otyr. Qurylys-montaj jumystarynyń jalpy quny – 466 mln teńge. Bas merdiger – «Merei Bilding Grýpp» JShS.
«Astana» saiabaǵy ortalyqta ornalasqan, saiabaqtyń ońtústik bóligi Ábilqaiyr han dańǵylymen, shyǵys beti «Nur Ǵasyr» meshitimen, soltústigi Neke saraiy aýmaǵymen shektesedi. Saiabaqtyń Ábilqaiyr han dańǵylyna shyǵatyn jaǵynyń uzyndyǵy – 210 metr, ońtústik baǵytynyń uzyndyǵy da sol shamada. Saiabaqtyń jalpy alańy 4,3 ga quraidy.
«Astana» saiabaǵy aýqymdy jasyl saiabaq kesheniniń integraldy bóligi bolyp tabylady. «Astana» atyn ielenetin bul saiabaqty josparlaý kezindegi negizgi mindet — saiabaqqa keletin turǵyndar men qala qonaqtarynyń bul saiabaq Qazaqstannyń astanasyna arnalǵanyn sezinetindei etip jasaý.
Saiabaqtyń fýnktsionaldyq zonalary:
-Kireberis toby
-Ortalyq iadro
-Landshafttyq zona
Kireberis toptarynda eki stella turady, bul stellalar Han shatyry túrindegi ǵimaratty elestetedi jáne «Astana» saiabaǵy degen jazý bolady.
Saiabaqtyń ortalyq alleiasy arqyly kelýshiler saiabaqtyń basqa bóligine ótedi.
Ortalyq iadro eki oppozitti tóbeden turady jáne onda 3D Astananyń túrli-tústi panoramasy bolady. Sondai-aq bul jasyl qabyrǵaǵa qarsy úlken jasyl ashyq amfiteatr ornalasady. Bul amfiteatrdyń syiymdylyǵy –100-120 oryndyq shamasynda. Bul iadronyń negizgi faktorlarynyń biri — onda qoǵamdyq sharalar, qalalyq merekeler, jármeńkeler, árine, Astananyń týǵan kúni ótkiziledi.
Astananyń 3D Panoramasynda astananyń barlyq mańyzdy, belgili, kórikti jerleri ornalasatyn bolady. Panoramanyń ortalyq bóliginde astananyń dinamikasy jaiaý júrgin, velosipedshiler jáne basqa kóptegen detaldar túrinde kórsetiledi, kórýshiler ony asa qyzyǵa qaraityn bolady.
Budan basqa, Astananyń kórkem ekspozitsiialy eki tóbeshikti 3D Panoramasy bar iadro ainalasynda rekreatsiialy zona, jol jelileri, jaiaý júrginder joly, keremet maf, klassikalyq shamdar, oryndyqtar, skýlptýralyq kompozitsiialar, balalar alańy, relefti tóbeler ornalasady.
Saiabaq qoldan jasalǵan, eni -3,5 metr, tereńdigi 50 sm Esil ózeniniń jaǵasyna baryp tireledi. Kanalda sýmen qamtamasyz etý júiesi bolady, ol aǵyp jatady jáne naǵyz ózenniń beinesin beredi. Ózen arqyly kópirler tastalady, ol saiabaqty qyzyqty elementtermen tolyqtyra túsedi.
Aita etý kerek, «Astana» saiabaǵy óte tiimdi kógaldandyrylady. Landshaftty dizain avtomatty sýarý júiesimen jaraqtandyrylady.
