Aqtóbede sońǵy táýlikte taǵy 8 adamnan virýs tabyldy. Olardyń arasynda áskeri qyzmetkerler bar, dep habarlaidy "Ult aqparat".
Aqtóbe oblysy boiynsha barlyǵy 185 adam indetke shaldyqsa, onyń 55-i emdelip, úiine shyǵaryldy. Oblystyq densaýlyq saqtaý basqarmasynyń basshysy Áset Qalievtiń aitýynsha, qalada kópqabatty úilerdiń 51 podezi jabylyp, adamdar úide karantinde boldy. Olardy qaita tekserý kezinde taǵy 3 adamnyń indetke shaldyqqany anyqtaldy. Barlyǵy infektsiialyq aýrýhanaǵa jatqyzyldy.
«Koronavirýs infektsiiasymen kúres jumystaryna jumyldyrylǵan eki áskeri qyzmetker de virýs juqtyrdy. Sonymen birge óńirdegi iri munai kompaniialary vahtalyq ádispen jumys isteitin adamdardy josparly túrde tekserýden ótkizip jatyr. Meditsinalyq tekserý kezinde sol adamdardyń birinen virýs anyqtaldy. Ol buryn indet juqtyrǵan adammen bailanysta bolǵan eken. Taǵy eki adam naýqastarmen bailanysyp, indetke shaldyqqan. Sońǵy anyqtalǵan 8 adamnyń ekeýi - bala. Biri - 8, ekinshisi - 1 jasta. Naýqastardyń jaǵdaiy birqalypty», - dedi Áset Qaliev.
