اقتٶبەدە سوڭعى تەۋلٸكتە تاعى 8 ادامنان ۆيرۋس تابىلدى. ولاردىڭ اراسىندا ەسكەري قىزمەتكەرلەر بار, دەپ حابارلايدى "ۇلت اقپارات".
اقتٶبە وبلىسى بويىنشا بارلىعى 185 ادام ٸندەتكە شالدىقسا, ونىڭ 55-ٸ ەمدەلٸپ, ٷيٸنە شىعارىلدى. وبلىستىق دەنساۋلىق ساقتاۋ باسقارماسىنىڭ باسشىسى ەسەت قاليەۆتٸڭ ايتۋىنشا, قالادا كٶپقاباتتى ٷيلەردٸڭ 51 پودەزٸ جابىلىپ, ادامدار ٷيدە كارانتيندە بولدى. ولاردى قايتا تەكسەرۋ كەزٸندە تاعى 3 ادامنىڭ ٸندەتكە شالدىققانى انىقتالدى. بارلىعى ينفەكتسييالىق اۋرۋحاناعا جاتقىزىلدى.
«كوروناۆيرۋس ينفەكتسيياسىمەن كٷرەس جۇمىستارىنا جۇمىلدىرىلعان ەكٸ ەسكەري قىزمەتكەر دە ۆيرۋس جۇقتىردى. سونىمەن بٸرگە ٶڭٸردەگٸ ٸرٸ مۇناي كومپانييالارى ۆاحتالىق ەدٸسپەن جۇمىس ٸستەيتٸن ادامداردى جوسپارلى تٷردە تەكسەرۋدەن ٶتكٸزٸپ جاتىر. مەديتسينالىق تەكسەرۋ كەزٸندە سول ادامداردىڭ بٸرٸنەن ۆيرۋس انىقتالدى. ول بۇرىن ٸندەت جۇقتىرعان اداممەن بايلانىستا بولعان ەكەن. تاعى ەكٸ ادام ناۋقاستارمەن بايلانىسىپ, ٸندەتكە شالدىققان. سوڭعى انىقتالعان 8 ادامنىڭ ەكەۋٸ - بالا. بٸرٸ - 8, ەكٸنشٸسٸ - 1 جاستا. ناۋقاستاردىڭ جاعدايى بٸرقالىپتى», - دەدٸ ەسەت قاليەۆ.
