Aqtóbe qalasynda qazaqtyń batyr qyzy Áliia Moldaǵulovanyń esimi berilgen kópir ashyldy, dep habarlaidy "Ult aqparat".
«Qyrkúiek aiynda úshinshi kópir paidalanýǵa berilip otyr. Halyq suraýyn eskerip, 5 ai buryn qurylys jumystary bastaldy. Kópir qurylysy 2,5 aida aiaqtaldy. Aqtóbeniń Almaty men Astana aýdanyn qosatyn kópirge Áliia Moldaǵulovanyń esimi beriledi», - dedi saltanatty shara barysynda oblys ákimi Berdibek Saparbaev.
Aqtóbe qalasynda kólik keptelisin azaitý úshin kópirge qosymsha eki ótpejol salyndy. Qurylys jumystaryna biýdjetten 1,2 milliard teńge jumsaldy.
Qurylys jumystaryn tolyǵymen 2019 jyldyń tamyz aiynda aiaqtaý josparlanǵan.
Aita keteiik, iri jobany iske asyrý kezinde týnnel qabyrǵalaryn nyǵaitý jáne bekitý, kommýnaldyq jáne bailanys jelilerin qosý, asfalt tóseý jumystary júrgizildi. Jańa ótpejoldy astanalyq «Progress KZ» JShS saldy.
