Foto: ashyq derekkóz
Aqtóbe oblysy prokýratýrasy áleýmettik jelilerge monitoring júrgizý barysynda qala turǵynynyń ishki aǵzalaryn satýǵa qatysty zańsyz mámile jasaýǵa tyrysqany týraly aqparatty anyqtady, dep habarlaidy Ult.kz.
2025 jylǵy 30 sáýirde uiymdasqan qylmysqa qarsy kúres basqarmasynyń qyzmetkerleri kúdiktini 15 mln teńge somasyna adamnyń ishki organdaryn satý áreketi kezinde ustady.
Atalǵan fakti boiynsha QR Qylmystyq kodeksiniń 116-baby 1-bóligine sáikes («Adamnyń aǵzalary men tinderin alyp qoiýǵa májbúrleý nemese zańsyz alyp qoiý») sotqa deiingi tergeý bastaldy.
Tergeý jalǵasyp jatyr. Prokýratýra azamattardy mundai zańsyz áreketterden aýlaq bolýǵa jáne zań buzýshylyqtar týraly aqparatty dereý habarlaýǵa shaqyrdy.
