Aqtóbede demalys oryndaryn qalpyna keltirip, jańa demalys oryndaryn qurý belsendi túrde jalǵasýda. Búgingi kúni qalada 66 gúlzar men saiabaq bar. Olardyń 48-i sońǵy úsh jyldyń kóleminde ashyldy.
Barlyq jańa saiabaqtar men gúlzarlardy «Týǵan jerge taǵzym» aktsiiasynyń aiasynda memlekettik jáne qoǵamdyq uiymdardyń qyzmetkerleri, túrli kásiporyndar men jai múddeli azamattar jabdyqtaǵanyn aita ketý kerek. Jobalarǵa sáikes sporttyq jáne oiyn alańdary ornatylyp, velojoldar tóselip, oryndyqtar qoiylǵan.
Mysaly, Densaýlyq saqtaý basqarmasynyń basshylyǵymen meditsinalyq qaýymdastyq Batys-2 turǵyn úi kesheniniń turǵyndaryna «Densaýlyq saiabaǵyn» syilady. Onyń aýmaǵynda 1500-den astam aǵashtar men butalar otyrǵyzylyp, fýtbol alańdary, velosiped joly, ústel tennisi, vorkaýt alańy, sýburqaq ornatylǵan. Bolashaq shaǵyn aýdanynda jańa «Made in Aktobe» gúlzary ashyldy. Aqtóbelik turǵyndar úshin qarjygerler men ekonomister gúlzarlary jańa demalys oryndaryna ainalyp, «100 teńge» túrindegi simvolikalyq arhitektýralyq nysan qala kórkine kórik qosýda.
Jeksenbi, 2 qyrkúiekte qala taǵy bir saiabaqpen tolyqty. Aqtóbeniń eski eski bóliginde munaishylardyń kásibi merekesi kúni «SNPS-Aqtóbemunaigaz» AQ-nyń óz qarajaty esebinen salynǵan «Dostyq» otbasylyq saiabaǵy ashyldy. 14 gektar aýmaq 220 mln. teńgege kóriktendirildi. Balalar oiyn alańdary, voleibol, basketbol, shaǵyn fýtbol alańdary, ústel tennisi úshin ústelder, trenajerlar, kúrkeler ornatylǵan.
«Dostyq» saiabaǵyn kógaldandyrý jáne kóriktendirý jumystary jalǵasýda. Qyrkúiektiń ortasynan bastap munda 300 aǵash otyrǵyzý josparlanyp otyr.
Qosa keteiik, Aqtóbedegi 66 saiabaq pen gúlzarlardyń jalpy aýdany 1,3 mln. sharshy metrden asady. Osy jyldyń sońyna deiin taǵy 3 gúlzardy kóriktendirý aiaqtalatyn bolady.
Odan basqa, Aqtóbede bir shaqyrymnan asatyn jaiaý júrginshiler aimaǵy bar óz Arbaty paida bolady. Onda shaǵyn dúkender, sýburqaq, sýretshiler alleiasy jáne qala turǵyndary men týristerdiń demalýy úshin jaily buryshtar ornalasady. Taǵy bir mańyzdy joba Tuńǵysh Prezident saiabaǵynyń keńeiýi. Onyń aiasynda 90-ga jerde Astana saiabaǵy, etno-aýyly, jaǵalaýdaǵy basty alleia, ǵashyqtar alleiasy, orman jáne tarihi aimaqtar, basqa da taqyryptyq demalys aimaǵy salynady. Qazirgi ýaqytta eki joba da iske asyrylýda.
