Aqtóbe qalasynda 4 jasar bala 4-qabattan qulap ketti. Bala jansaqtaý bólimine tústi, dep habarlaidy "Ult aqparat".
Aqtóbe qalasyndaǵy Munaishylar kóshesinde ornalasqan kópqabatty úide jazataiym oqiǵa boldy. 4 jasar bala 4-qabattan qulap, aýrýhanaǵa tústi.
«Balanyń anasy bes ailyq qyzyna qarap otyrǵan kezde qonaq bólmede júrgen uly terezege minip, qulap ketti. Qazirgi ýaqytta túrli dene jaraqatyn alǵan bala aýrýhananyń jansaqtaý bóliminde jatyr. Jyl basynan beri Aqtóbe oblysynda 3 bala terezeden qulady. Balalar kóbine qaraýsyz qalǵanda osyndai jaǵdai bolady»,- deidi Aqtóbe oblysy PD bastyǵy Atyǵai Arystanov.
Qazirgi kezde kóbinde tereze ashyq turady. Jazda jazataiym oqiǵany boldyrmaý úshin arnaiy temir tor nemese plastikalyq terezege arnalǵan ilmek ornatý usynyldy.
