اقتٶبە قالاسىندا 4 جاسار بالا 4-قاباتتان قۇلاپ كەتتٸ. بالا جانساقتاۋ بٶلٸمٸنە تٷستٸ, دەپ حابارلايدى "ۇلت اقپارات".
اقتٶبە قالاسىنداعى مۇنايشىلار كٶشەسٸندە ورنالاسقان كٶپقاباتتى ٷيدە جازاتايىم وقيعا بولدى. 4 جاسار بالا 4-قاباتتان قۇلاپ, اۋرۋحاناعا تٷستٸ.
«بالانىڭ اناسى بەس ايلىق قىزىنا قاراپ وتىرعان كەزدە قوناق بٶلمەدە جٷرگەن ۇلى تەرەزەگە مٸنٸپ, قۇلاپ كەتتٸ. قازٸرگٸ ۋاقىتتا تٷرلٸ دەنە جاراقاتىن العان بالا اۋرۋحانانىڭ جانساقتاۋ بٶلٸمٸندە جاتىر. جىل باسىنان بەرٸ اقتٶبە وبلىسىندا 3 بالا تەرەزەدەن قۇلادى. بالالار كٶبٸنە قاراۋسىز قالعاندا وسىنداي جاعداي بولادى»,- دەيدٸ اقتٶبە وبلىسى پد باستىعى اتىعاي ارىستانوۆ.
قازٸرگٸ كەزدە كٶبٸندە تەرەزە اشىق تۇرادى. جازدا جازاتايىم وقيعانى بولدىرماۋ ٷشٸن ارنايى تەمٸر تور نەمەسە پلاستيكالىق تەرەزەگە ارنالعان ٸلمەك ورناتۋ ۇسىنىلدى.
