Sýret: Freepik.com
Aqtóbede 16 jastaǵy oqýshy ózine qol jumsady, - dep habarlaidy Tengrinews.kz saity.
Oblystyq Politsiia departamenti baspasóz qyzmeti málimetinshe, oqiǵa 13 qyrkúiekte bolǵan. Politsiia bólimine kórshileriniń saraiynan 2007 jyly týǵan kámeletke tolmaǵan balanyń máiiti tabylǵany týraly habarlama túsken.
"Osy derekke qatysty QR Qylmystyq kodeksiniń 105-baby "Ózine ózi qol jumsaýǵa deiin jetkizý" boiynsha sotaldy tergeý júrgizilip jatyr. Jasóspirimniń óz-ózine qol jumsaýynyń sebepteri anyqtalyp jatyr", - dedi Politsiia departamenti baspasóz qyzmetiniń jetekshisi Erbolat Sarqulov.
Aita keteiik, buǵan deiin aqtóbelik eriktiler balanyń joǵalǵany týraly áleýmettik jelige habarlama taratqan bolatyn. Onda 16 jastaǵy jasóspirim saǵat 19:00 shamasynda shyǵyp ketkeni aitylǵan edi.
Oqýshy qaladaǵy №8 orta mektepte oqityny belgili boldy.
