Foto: pexels.com
2008 jyly qaraqshylyq shabýyl jasap, izin jasyrǵan kúdikti ustaldy. Politsiia tergeýden soń qylmystyq isti sotqa jibermek, dep habarlaidy Kazinform agpenttigi.
Aqtóbe oblystyq PD baspasóz qyzmetiniń málimetinshe, qylmystyq oqiǵa 2008 jyldyń mamyr aiynda boldy. Eki jas jigit Hromtaý qalasynda jergilikti turǵynnyń páterine kirip, as úi pyshaǵyn qoldanyp, jábirlenýshiniń denesin jaralaidy. Sol kezde aqsha men eki uialy telefondy ashyq urlap ketken.
– Sol jyly Qostanai oblysynyń turǵyny ustalyp, qaraqshylyq shabýyl jasaǵany úshin jeti jylǵa bas bostandyǵynan aiyryldy. Al ekinshi kúdikti týraly aqparat bolmady. Búginge deiin Hromtaý qalasynyń turǵyny jasyrynyp júrdi. Al izdeý jeke is júrgizýge bólindi. Arada 15 jyl ótkende Hromtaý politsiiasynyń jedel ýákilderi izdeýde júrgen adamdy ustady jáne isti sotqa beredi,- dedi oblystyq PD baspasóz qyzmetiniń jetekshisi Erbolat Sarqulov.
