Aqtóbelik jas jigit Qylmystyq kodekstiń «On alty jasqa tolmaǵan adammen birneshe ret jynystyq qatynas jasaý» baby boiynsha aiyptalyp, bas bostandyǵynan aiyryldy, dep habarlaidy "Ult aqparat".
Aqtóbe oblysynyń qylmystyq ister jónindegi mamandandyrylǵan aýdanaralyq sotynda kámeletke tolmaǵan T-ǵa qatysty qylmystyq is qaraldy. Is materialyna súiensek, sottalýshy T. 15 jasar A-men birneshe ret jynystyq qatynasqa túsken.
Sottalýshy T -nyń kinási óziniń jáne jábirlenýshi A-nyń sotqa deiin tergep-tekserý kezindegi jaýabymen, jábirlenýshiniń zańdy ókiliniń, kýálar men sarapshylardyń jaýabymen, saraptama qorytyndysymen tolyq dáleldendi.
Prokýror sottan T-ny 5 jylǵa bas bostandyǵynan aiyrý jazasyn taǵaiyndaýdy surady.
«Sottalýshy T-nyń jasalǵan isi asa aýyr qylmys sanatyna jatady. QR QK 122-babynyń 3-bóliginiń 1-tarmaǵynda 10 jyldan 15 jylǵa deiingi merzimge bas bostandyǵynan aiyrý jazasy qarastyrylǵan. Basqa balama jaza osy baptyń sanktsiiasynda qarastyrylmaǵan. Jaza taǵaiyndaǵanda sot Qylmystyq kodekste kórsetilgen jazanyń túri men mólsherin basshylyqqa aldy. QR QK 81-babynyń 7-bóligi boiynsha kámeletke tolmaǵandarǵa bas bostandyǵynan aiyrý jazasy 10 jyldan aspaityn merzimge taǵaiyndalýy múmkin. Sottalýshynyń kámeletke tolmaǵany eskerildi. Jazasyn aýyrlatatyn mán-jai anyqtalǵan joq. Sonymen birge sottalýshy T jábirlenýshi siiaqty kámelet jasyna tolmaǵan. Turǵylyqty jerinde jáne oqý ornynda jaqsy minezdeme berildi. Sot jábirlenýshi men onyń zańdy ókiliniń oǵan qoiar talaby bolmaǵanyn ári ony bas bostandyǵynan aiyrmaýdy suraǵany eskerdi», - dep túsindirdi sýdia Qiiatbek Myrzabekov.
Aita keteiik, kámelet jasqa tolmaǵan T-ǵa 3 jylǵa bas bostandyǵynan aiyrý jazasy taǵaiyndaldy. Osy baptyń sanktsiiasyn eskersek, sot bas bostandyǵynan aiyrmaityn jaza taǵaiyndaýǵa quqyly emes.
Sot úkimi zańdy kúshine engen joq.
