© Photo : Aqtóbe oblysynyń ákimdigi
Aqtóbe oblysyndaǵy gaz óńdeý zaýytynda qaitys bolǵandardyń otbasylaryna 5 million teńgeden beriledi. Bul týraly oblys basshysy Eraly Toǵjanov málimdedi, dep habarlaidy Sputnik Qazaqstan.
Osy aidyń basynda "SNPS-Aqtóbemunaigaz" AQ №2 gaz óńdeý zaýytynyń aýmaǵynda órt bolǵan edi. Saldarynan tórt jumysshyny qatty kúiik shaldy. Ekeýi qaitys boldy.
"Ókinishke qarai, eki jumysshy kóz jumdy. Týystaryna qaiǵyryp, kóńil aitamyn. Saraptamanyń qorytyndysy boiynsha tergeý júrgiziledi. Zardap shekkenderdiń otbasyna 1 million teńgeden berildi, al qaitys bolǵan jumysshylardyń otbasyna 5 millionnan bólinedi. Eger kámelet jasqa tolmaǵan balalary, stýdentter bolsa, memleket tarapynan járdemaqy tólenedi", - dedi Toǵjanov Ortalyq kommýnikatsiialar qyzmetinde ótken brifingte.
Aita keteri, órttiń sebebi anyqtalǵan joq. Qazirgi kezde saraptama jasaldy. Sonyń negizinde tergeý amaldary júrgiziledi.
