"Aqtóbeniń ortalyq bazarynda muzdai qarýlanǵan arnaiy jasaq saqal qoiǵan saýdagerlerdiń birin qaldyrmai ustap áketti", - dep habarlaidy Ult.kz tilshisi KTK arnasyna silteme jasap.
Tártip saqshylarynyń bul áreketin kórgender taǵy lańkester shabýyl jasady dep shoshypty.
Biraq bul Astanadan Aqtóbege bas prokýror bastaǵan 200 adamdyq delegatsiianyń kelýi aldynda jasalǵan arnaiy shara eken. Quramynda tártipke jaýapty ministrlikter, din jáne partiia ókilderi bar arnaiy shtab Aqtóbe oblysynda bir ai jumys istemek. Olar óńirdi aralap, jastardy teris aǵymnan qaitarý, jumyspen qamtý, tipti kásip bastaimyn degenderine nesie berý jaiyn qarastyrady. Osylaisha Aqtóbeniń áleýmettik-ekonomikalyq jaǵdaiyn kóterýge atsalyspaq eken. Áitpese, qalada jumyssyzdyq beleń alyp, aýyr qylmystar da 18 paiyzǵa artypty. Teris dini aǵymda júrgendermen jumys ónbei jatyr. 5-shi maýsymdaǵy lańkestik áreketten keiin de bazar ishinde teris dini aǵymdaǵylar azaimapty.
Sydyq Saqtaǵanov, Aqtóbe qalasynyń turǵyny:
-Ýahabister kóbeiip ketti ǵoi. Kóbisi solar ǵoi satyp jatkan. Bularǵa bir tyiym salsa deimin. Erteńgi kúnde bular órship ketse, bul ne bolady? Bólinemiz ǵoi onda musylmandar.
