Aqtóbede bir adam koronavirýs juqtyrdy, - dep habarlaidy "Ult aqparat" Densaýlyq saqtaý ministrliginiń baspasóz qyzmetine silteme jasap.
"Qazaqstandaǵy koronavirýs boiynsha 22 naýryzdaǵy 20.30 saǵ. jaǵdai. Koronavirýs indetin juqtyrǵan taǵy 1 adam Aqtóbe qalasynda tirkeldi. Osy saǵatta Nur-Sultan qalasy boiynsha 31 adam, Almaty qalasynda - 23 adam, Qaraǵandy qalasynda - 2, Almaty oblysynda - 1 adam, Aqtóbe qalasynda - 1 adam, jalpy 58 naýqas tirkeldi", - delingen habarlamada.
Eske salaiyq, búgin Nur-Sultanda 2 adam jáne Almatyda 1 adam koronavirýs juqtyrǵany belgili boldy.
Olardyń bireýi - 1976 jyly týǵan sheteldik azamat, Qazaqstanǵa búgin túnde Londonnan ushyp kelgen. Ekinshi adam - 1970 jyly týǵan Qazaqstan azamaty. Ekeýi de statsionarda. Jaǵdailary qanaǵattanarlyq.
Almatyda tirkelgen 1992 jyly týǵan qyz. Naýqas 15 naýryzda Ystambul-Almaty reisimen ushyp kelgen koronavirýs anyqtalǵan adammen bailanysta bolǵan. Qazir statsionarǵa karantinge jatqyzyldy .
