Ótken táýlikte Aqtóbe oblysynda aýa raiynyń nasharlaýyna bailanysty oblys aýmaǵynda 5 Respýblikalyq jáne 4 Oblystyq avtokólik joldary jabyldy, dep habarlaidy Aqtóbe qalasynyń ákimdigi.
Aqtóbe oblysynyń eldi mekenderinde joldarda kórý múmkindiginiń tómendeýi bailanysty qar tazartý jumystary ýaqytsha toqtatylǵan. Kún raiy jaqsarǵan boida qaita jalǵasatyn bolady. Sonymen qatar, jel ekpininiń kúsheiýi saldarynan keibir baý-baqsha ujymdarynda elektr jelisi úzilgen bolatyn. Qazirgi ýaqytta “Energosistema” brigadalary jóndeý jumysyn júrgizýde.
"Aviagorodok,1/1 mekejaiy boiynsha shatyrdyń ushyp qulaýy tirkeldi. Demontaj jumysy jasalatyn bolady. TJD turǵyndar men qala qonaqtarynan jolǵa shyqpaýdy surady", - delingen habarlamada
Avariialyq qutqarý jumystaryna TJD, politsiia bólimi men jergilikti atqarýshy organdardan 135 adam jáne 67 tehnika qatysqan. Avariialyq qutqarý jumystary barysynda 140 adam qaýipsiz aimaqqa kóshirilip, 5 adam qutqaryldy.
Avariialyq qutqarý jumystary oblystyń birqatar aýdandarynda oryn aldy. 7 aqpan kúni «Samara-Shymkent» tas jolynyń 806-shi shaqyrymynda “Shymkent-RF-Novotroitsk” baǵytyndaǵy jolaýshylar avtobýsy buzylyp, ishinde 68 adam qalyp qalǵany jóninde aqparat kelip tústi. Tájikstan Respýblikasynyń 68 azamaty Nurai kempingke kóshirildi. 7 aqpan kúni «Samara-Shymkent» tas jolynyń 965-shi shaqyrymy «Maiak» kempinginde joldyń jabylýyna bailanysty turǵan jolaýshy avtokóligi ishinde 56 adamdy ornalastyrý kómegi qajet eken jóninde aqparat kelip tústi. Nátijesinde: qutqarýshylar kúshimen 56 Ózbekstan Respýblikasynyń azamattary Qarabutaq ortalyq meshitine ornalastyryldy.
Aqtóbe oblysy TJ departamenti óz ómiri jáne jaqyn adamdarynyń ómirine qaýip tóndirmeý úshin oblys turǵyndaryna kelesi erejelerdi saqtaýdy usynady. Qysqy saparǵa shyqpas buryn:
- Aýa-raiy boljamyn muqiiat oqyp shyǵyńyz;
- Qozǵalys úshin qandai joldar jabylýy múmkin ekenin anyqtańyz. Aqparatty 112 qutqarý qyzmetiniń telefony boiynsha, sondai-aq «Darmen» mobildi qosymshasynyń kómegimen naqtylaýǵa bolady;
- «112» qyzmetinen resmi daýyldy eskertý alǵan kezde eldi mekenderge barýdan jáne shyǵýdan aýlaq bolyńyz;
- Mashinany tótenshe jaǵdaida aman qalýǵa múmkindik beretin qosymsha, biraq óte qajet júkpen jabdyqtaý:
- - otyn qory bar kanistr (keminde 20 l) jáne quiýǵa arnalǵan quiǵysh;
- - shai termosy jáne azyq-túlik qory;
- - jyly kiimniń qosalqy jiyntyǵy.
- Eń bastysy, avtomobil tehnikalyq jaramdy kúide bolýy kerek.
"Qazgidromet" oblystyq filialynyń málimetinshe, Aqtóbe oblysynda ekpindi jel 8-9 aqpanda saqtalady. 8 aqpan kúni tústen keiin oblystyń kóp bóliginde jaýyn-shashyn (jańbyr, qar), boran bolady. 9 aqpanda jeldiń jyldamdyǵy 9-14 m/s, ekpini 15-20 m/s, oblystyń soltústiginde keide 25 m/s deiin bolady.
