Foto: Polisia.kz
Aqtóbe oblysynda jol-kólik oqiǵasy saldarynan sheteldik azamattar ajal qushty, – dep habarlaidy Polisia.kz.
29 qazanda Samara – Shymkent avtojolynyń 606-shaqyrymynda Kia Rio avtokóliginiń 34 jastaǵy júrgizýshisi, Tájikstan Respýblikasynyń azamaty Batys Qazaqstan oblysy jaǵynan Aqtóbe oblysynyń Qobda aýylyna qarai kele jatqan Ózbekstan Respýblikasynyń 31 jastaǵy azamatynyń basqarýyndaǵy Chevrolet Captiva avtokóligimen soqtyǵysqan.
"Apat saldarynan eki júrgizýshi jáne Chevrolet Captiva jolaýshysy oqiǵa ornynda qaitys boldy. Sondai-aq eki kólik quralynyń eki jolaýshysy ártúrli jaraqatpen Qobda aýdandyq aýrýhanasyna jatqyzyldy.
Jol-kólik oqiǵasy boiynsha QR QK-niń 345-baby 4-bóligimen sotqa deiingi tergeý bastaldy.
Politsiia departamenti kólik júrgizýshilerin jol erejelerin qatań saqtaýǵa shaqyrady" - delingen habarlamada.
