Samara-Shymkent tasjolynda júk jáne jeńil kólik soqtyǵysyp, bes adam kóz jumdy, dep habarlaidy QazAqparat.
Aqtóbe oblystyq politsiia departamentiniń habarlaýynsha, oqiǵa 30 qańtar kúni saǵat 19:20-da boldy.
«Mersedes-ACTROS» markaly júk kóliginiń júrgizýshisi Hromtaýdan Aqtóbe qalasyna qarai baǵyt alyp, Ólke aýyly mańynda meteorologiialyq jaǵdaidy eskermei, taiyp, qarsy qozǵalys jolaǵyna shyǵyp ketken. Saldarynan 34 jastaǵy júrgizýshiniń basqarýyndaǵy «Toyota Camry-55» markaly avtokóligimen soqtyǵysqan. Jol-kólik oqiǵasy saldarynan «Toyota Camry-55» avtokóliginiń júrgizýshisi men tórt jolaýshy alǵan jaraqatynan oqiǵa ornynda kóz jumdy», - dep habarlady oblystyq PD baspasóz qyzmetiniń jetekshisi Erbolat Sarqulov.
Aita keteiik, QR QK 345-babynyń 4-bóligi boiynsha is qozǵalyp, tirkeldi.
Politsiia departamenti jol qozǵalysynyń barlyq qatysýshylaryn jol qozǵalysy erejesin múltiksiz saqtaýǵa shaqyrady.
