Aqtóbe oblysynyń aýmaǵynda bes transulttyq korporatsiia ónerkəsiptiń túrli salalarynda jumys isteidi. Endi taǵy eki iri investor ENI jáne GeneralElectric aimaǵymyzǵa kirip, Qarǵaly aýdanynda Astana qalasynda Halyqaralyq EKSPO-2017 kórmesinde usynylǵan jańartylatyn energiia kózderi tehnologiialaryn paidalana otyryp, qýattylyǵy 48 MVt jel elektr stantsiiasyn salady.
5 qyrkúiek, sársenbi kúni oblys ákimi Berdibek Saparbaev pen «ArmWind» kompaniiasynyń direktory (negizin qalaýshylar - ENI - 90%, GeneralElectric - 10%) Abramo Ferdinando biznes-keńestiń otyrysynda tiisti memorandýmǵa qol qoidy.
JES josparlanǵan jyldyq qýattylyǵy 190 GVt-qa teń bolady. Investitsiia kólemi shamamen 100 million eýro. Nysannyń qurylysyn aǵymdaǵy jyldyń tórtinshi toqsanynda bastap, 2019 jyldyń sońynda paidalanýǵa berý josparlanýda. Qurylys kezeńinde 300 jumys orny qurylady.
Iskerlik-keńestiń eń mańyzdy oqiǵasy jiynnyń jumysyna «Qazhrom» TUK, «SinopecGroup», CNPC ókilderi qatysyp, sondai-aq óndiristi jańǵyrtý úshin Jol kartalaryna qol qoiyldy.
- Ótken jyly Prezident Nursultan Nazarbaev Tórtinshi Indýstrialdy Revoliýtsiia jaǵdaiynda damýdyń jańa múmkindikteri týraly jariialady. Biz onyń elementterin engize otyryp, jyldyń qorytyndysy boiynsha jalpy somasy 85 mlrd. teńgege 42 kompaniiany jańǵyrtýymyz kerek. Bul investitsiialardy ulǵaitýdy talap etedi. Byltyr ol shamamen 465 mlrd. teńge qaldyryp, biylǵy jyly keminde 530 mlrd. teńge investitsiia tartýǵa ýáde berdi. Búgin biz aimaqtyq ekonomikany odan ári damytý úshin mańyzdy eki másele - óndiristi jetildirý men bizdiń óńirdiń investitsiialyq áleýetin arttyrýdy talqylaý úshin jinalyp otyrmyz, - dedi Berdibek Saparbaev, sharaǵa qatysýshylarǵa arnaǵan sózinde.
Sondai-aq, kezdesý aiasynda «Jelenergo» JShS-men Mártók aýdanynda jel elektr stantsiiasyn salý týraly memorandýmǵa qol qoiyldy. Bul jobanyń tehnologiialary EKSPO-2017 halyqaralyq kórmesinde de kórsetildi. Jalpy alǵanda, óńirde EKSPO-2017-niń 6 innovatsiialyq tehnologiiasy engizildi. Nátijesinde ken óndirý ónerkásibiniń baǵasy 1,5% -ǵa tómendedi, al munai óndirisi 10%-ǵa ósti. EXPO-2017-niń taǵy 15 tehnologiiasy iske asyrylý kezeńinde.
