Aqtóbe oblysynda jasóspirimder arasyndaǵy jappai tóbeles videoǵa túsip qalǵan.
Mektep oqýshylary tapa-tal túste tóbelesip, aqyry politsiia bólimshesine jetken. Oqiǵa Aqtóbe oblysyndaǵy Shalqar qalasynda boldy, kámeletke tolmaǵandar qoǵamdyq orynda tóbeles shyǵardy.
Politseilerdiń málimetinshe, oqiǵa 18 naýryz kúni aýyl ortalyǵynda bolǵan. Politsiia qaqtyǵystyń sebebin naqtylamady, biraq barlyq adamdar anyqtalyp, politsiia bólimine jetkizildi dedi.
"Atalǵan fakti boiynsha Shalqar aýdandyq ishki ister bólimi tergeý júrgizip jatyr, oqiǵaǵa qatysýshylardyń barlyǵy anyqtalyp, politsiia bólimine jetkizildi. Material jinaqtalyp, sheshim qabyldaý úshin QK janyndaǵy kámeletke tolmaǵandardyń quqyqtaryn qorǵaý komissiiasyna jiberildi. Shalqar aýdanynyń ákimi ata-analar da shaqyrylyp, olarmen tiisti túsindirý jumystary júrgizildi", – dep túsindirdi Aqtóbe oblysy QDP baspasóz qyzmetiniń jetekshisi Erbolat Sarqulov.
Politseilerdiń málimetinshe, ýchaskige 12 mektep oqýshysy jetkizilgen. Bul – Shalqar qalasynyń eki túrli mektebiniń 10 jáne 11 synyp oqýshylary. Zardap shekkender joq.
