videodan alynǵan kadr
Aqtóbe oblysy Shalqar aýdany mańynda oqýshylar jol apatyna ushyrady, - dep habarlaidy "Diapazon".
Basylym málimetinshe, oqiǵa 4 naýryzda keshki saǵat 20:55 shamasynda Shalqar-Bazoi tasjolynyń 4-shaqyrymynda bolǵan.
9-synyp oqýshysy Toyota Land Cruiser kóligin tizgindep kele jatyp, aýdarylyp qalǵan. Oqiǵa saldarynan kámeletke tolmaǵan qyz kóz jumǵan, al salonda bolǵan ózge tórt bala Shalqar aýdandyq aýrýhanasyna jetkizilgen.
Balalar Shalqardyń № 8 mektebiniń oqýshylary ekeni aitylǵan. Alaida óńirdiń bilim basqarmasy ókilderi áli eshqandai pikir bildirmegen.
