© Photo : Press-slýjba "Vostokelektro" Kyrgyzstana
Aqtóbe oblysynda bir aýylda qatty daýyldyń saldarynan 51 ǵimarattyń shatyryna zaqym kelgen. Sonyń ishinde 35 turǵyn úi bar, dep habarlaidy «Ult aqparat» Moi Gorod" portalyna silteme jasap.
Oiyl aýdanyndaǵy Kósembai aýylynda 9 tamyz kún keshki ýaqytta qatty daýyl kóterildi. Aýylda elektr baǵanalar qulap, shatyrlar men sharbaqtar jelmen ushyp ketken.
"Aýyldyń astan-kesteni shyqty. Siyrlar móńirep, qoilar mańyrap ketti. Mal dalaǵa qashty. Baǵanalar qulap, tas qarańǵy boldy. Abyroi bolǵanda adamdar aman, jel basylǵannan keiin er adamdar shyǵyp, shatyrlardy kóterýge kiristi, astynan maldy shyǵardy", - deidi aýyl turǵyndary.
Oblystyq ákimdik usynǵan aqparatqa sáikes, Kósembai aýylynda qatty daýyldyń saldarynan 51 ǵimarattyń shatyryna zaqym kelgen. Sonyń ishinde 35 turǵyn úi bar. Qalǵany sharýashylyq qurylystar – qoralar jáne taǵysyn taǵy. Jalpy, osy aýylda 74 úi bar. 380 adam turady.
Sol kúni aýylda 9 elektr baǵanasy qulaǵan. Qazirgi kezde jeteýin kóterip qoidy. Barlyq baǵanany kótergennen keiin elektr qýatyn beredi. Shyǵynnyń kólemi áli eseptelgen joq.
Kósembai aýyly aýdan ortalyǵynan 60 shaqyrym shalǵai jerde ornalasqan.
