Aqtóbe oblysynda azyq-túlik dúkenderi, sýpermarketter men gipermarketter endi ishki tártip boiynsha jumys isteidi. Oblystyń bas memlekettik sanitariialyq dárigeri jańa qaýly shyǵardy, dep habarlaidy "Ult aqparat".
Qaýlyǵa sáikes azyq-túlik dúkenderi, shaǵyn market, sýpermarket, gipermarket qyzmeti ishki tártippen retteledi. Buǵan deiin 9:00-den 22:00-ge deiin jumys istese, endi táýlik boiy ashyq turady.
«Ónerkásiptik jáne barlyq qyzmet túrlerindegi óndiristik kásiporyndardyń jumysyn, onyń ishinde vahtalyq ádispen jumys isteitinder, ashyq aýadaǵy qurylys jumystarynyń, aýyl jáne balyq sharýashylyǵynyń, mal sharýashylyǵynyń qyzmeti ishki tártipke sáikes ruqsat etilsin. Vahtalyq ádispen jumys isteitin kásiporyndar jumysshylarynyń PTR ádisimen zerthanalyq tekserýden ótýin qamtamasyz etsin», - delingen jańa qujatta.
Sonymen birge PTR-test tapsyryp, nátijesi teris bolsa memlekettik organdar men uiymdardyń qyzmetkerleri vahtalyq kentterge kire alady.
Qys mezgilinde taza aýada demalýǵa bolady. Áleýmettik araqashyqtyqty, betperde taǵý rejimin saqtap, ashyq aýadaǵy muz aidyndarynda konki teýip, syrǵanaqqa barýǵa da ruqsat berildi.
