Aqtóbe oblysy Kókúi aýylynda iri qara belgisiz indetten qyryla bastady.
Qazir bul aýyldan et, sút ónimderin shyǵarý men paidalanýǵa tyiym salynǵan, dep habarlaidy Sputnik Qazaqstan agenttigi KTK telearnasyna silteme jasap.
Saraptama iri qaranyń virýsty diareiadan ólgenin rastady. Biraq maldyń ishi nelikten ótkenin veterinarlar ázirge bilmeidi. Aitýynsha, mundai jaǵdai óńirde alǵash ret tirkelip otyr. Degenmen virýstyń óte qaýipti ekenin moiyndaidy. Sondyqtan shekteý sharalary qolǵa alynǵan.
"Tekserý nátijesinde virýsty diareia degen diagnoz qoiyldy. Infektsiialyq aýrý, qyzýy kóteriledi, asqazany aýyrady, diareia bastalady. Infektsiialyq aýrýdyń taralý qaýpi árdaiym bar. Biraq búginde tynysh, erteń shekteý sharalaryn qoldanǵannnan keiin bul aýrý toqtaidy dep oilaimyz", - dedi Aqtóbe oblysy aýyl sharýashylyǵy basqarmasy basshysynyń orynbasary Isa Bazarov.
Aýyldan mal ataýly shyǵarylmaidy, syrttan kirgizilmeidi. Sonymen qatar et, sút ónimderin paidalanýǵa bolmaidy. Bul shekteýler ázirge bir aiǵa sozylady. Osy ýaqyt ishinde aýyldaǵy barlyq iri qaraǵa vaktsina salynyp, qora-qopsyny dezinfektsiialaý jumystary júrgiziledi.
