Foto ©️ Tengrinews.kz / Turar Qazanǵapov
Aqtóbe oblysynda biýdjet qarajatyn zańsyz iemdengen býhgalter 7 jylǵa bas bostandyǵynan aiyryldy, - dep habarlaidy «Ult aqparat» Bas prokýratýra málimetine silteme jasap.
Aqtóbe oblysy Muǵaljar aýdanynyń prokýratýrasy mektepke deiingi uiymdarda 54 million teńgeden astam biýdjet qarajatyn zańsyz iemdenip alý derekterin anyqtaǵan.
"Balaýsa", "Gúlder", "Shapaǵat" jáne "Arai" balabaqshalarynyń býhgalterleri basshylarynyń atynan qujattarǵa qol qoiyp, ózderiniń esep-shottaryna zańsyz aqshalar aýdarǵan. Barlyq kórsetilgen derekterge qatysty aýdan prokýratýrasymen býhgalterlerge qatysty QK-tiń 189-baby 2 jáne 4-bólikteri ("Senip tapsyrylǵan bóten múlikti iemdenip alý nemese talan-tarajǵa salý") boiynsha sotqa deiingi tergep-tekserýler bastaldy", - delingen habarlamada.
Sotaldy tergep-tekserý nátijesinde, "Shapaǵat" jáne "Arai" balabaqshalarynyń býhgalterlerimen jalpy somasy 5 million teńgeden astam shyǵyndardy óteýlerine bailanysty, qylmystyq ister óndiristen toqtatyldy.
"Balaýsa" jáne "Gúlder" balabaqshalarynyń býhgalterimen 49 million teńge qarajatty zańsyz iemdený derekterine qatysty sot úkimi shyǵyp, ol 7 jylǵa bas bostandyǵynan aiyryldy.
