Aqtóbe oblysynda qarly borannan keiin 20-dan astam aýyl jaryqsyz qaldy, dep habarlaidy "Ult aqparat" "Diapazon" basylymyna silteme jasap.
Borannan keiin 7 qańtar kúni Aqtóbe oblysynyń birneshe aýylynda, qalanyń birneshe shaǵyn aýdanynda jaryq bolmady.
"Qalada elektr qýatyn qalpyna keltirý úshin 15 brigada tartyldy. Barlyq qajetti qural-jabdyqtar men kólikter bar. Jaryqsyz qalǵan keibir aýyldarda da jumys júrip jatyr. 20 jedel top pen 70-ke jýyq tehnika jumyldyryldy", – dedi Aqtóbe oblysynyń ákimi Ashat Shaharov.
Ákim tótenshe jaǵdai jeke baqylaýynda ekenin aitty. Osydan keiin eki aýdandy tótenshe jaǵdai jariialandy.
"Jaýapty mekemelerge turǵyndardy elektr qýatymen tez arada qalpyna keltirý jáne qamtamasyz etý boiynsha naqty tapsyrmalar berildi. Qosymsha aqparatty tiisti basqarmalar men mekemeler beredi", – dedi Ashat Shaharov.
