Foto: © Sputnik / Timýr Batyrshin
Aqtóbe oblysy Mártók aýdanyndaǵy Qiialy shekara zastavasynda 22 jastaǵy Mátjan Janesenov kóz jumdy. Oǵan áriptesi oq atqan, - dep habarlaidy Kazinform.
Aqtóbe garnizony áskeri prokýratýrasynyń habarlaýynsha, oqiǵa 2 jeltoqsanda bolǵan.
"QR UQK Aqtóbe oblysy boiynsha shekara qyzmeti departamentiniń «Qiialy» shekara zastavasynda kelisimshart boiynsha eńbek etetin áskeri qyzmetshi áriptesimen janjaldasyp qalǵan. Sodan keiin ózine bekitilgen qarýdan oq atqan. Jábirlenýshi jedel járdem kóliginde qaitys boldy.
Atalǵan fakti boiynsha Batys óńirlik áskeri tergeý basqarmasynyń Aqtóbe bólimi Qylmystyq kodekstiń 99-baby 1-bóligi boiynsha sotqa deiingi tergeýdi bastady. Qylmystyq is boiynsha kúdikti ustaldy. Qazirgi ýaqytta tergeý amaldary júrip jatyr. Basqa málimetter QPK 201-babyna sáikes jariialanbaidy", — dep habarlady Aqtóbe garnizonynyń áskeri prokýratýrasy.
Aita keiik, Mátjan Janesenov — Aqtóbe oblysy Baiǵanin aýdanynyń týmasy.
"Otbasyna qamqor bolyp otyrǵan bala. Áli sene almai otyrmyz", — deidi apasy Aigúl Janesenqyzy.
