Aqtóbe oblysynda «7-20-25» baǵdarlamasy boiynsha 202 ótinim maquldandy. Bul týraly Óńirlik kommýnikatsiialar qyzmeti uiymdastyrǵan baspasóz týrda Aqtóbe qalasy ákiminiń orynbasary Ushqyn Myńbaev málimdedi.
Aita ketý kerek, ipotekalyq turǵyn úi nesiesin berý baǵdarlamasy «Prezidenttiń bes áleýmettik bastamasy» aiasynda QR Prezidentiniń «árbir otbasyna turǵyn úi alýǵa jańa múmkindikter berý» atty alǵashqy bastamasyn júzege asyrý maqsatynda ázirlengen.
«7-20-25» baǵdarlamasyn júzege asyrýda óńirdegi 8 bank belsendi jumys jasaidy, onyń ishinde "Qazaqstan Halyq Banki", "TsentrKredit Banki" jáne t.b bar.
«Bizdiń oblysta ekinshi deńgeidegi bankter 3079,0 mln.teńgege 364 ótinim qabyldady. Onyń 202-si qazir 1776,0 mln.teńgege maquldanyp otyr. "Tsentr Kredit Banki" ekinshi deńgeili bankter arasynda nesie berýde kósh bastap tur, olarǵa barlyq turǵyn úi nesieleriniń 67% berildi», - dedi Ushqyn Mynbaev BAQ ókilderine.
Esterińizge sala keteiik, "7-20-25" memlekettik baǵdarlamasynyń negizgi talaptary: jeke menshikte turǵyn úidiń bolmaýy, tólem qabilettiligin rastaý, turǵyn úidiń jalpy qunynyń 20% mólsherinde bastapqy jarnasynyń bolýy.
Baspasóz týry barysynda BAQ ókilderine atalǵan baǵdarlama aiasynda satylatyn páterler kórsetildi, sondai-aq, Aqtóbeniń jyljymaityn múlik naryǵyndaǵy jańa ónim usynyldy: birinshi kezekte qajet etetin turmystyq tehnikasy bar.tolyqtai jihazdalǵan páterler,
Sondai-aq, Aqtóbede kóp qabatty kommertsiialyq turǵyn úilerdiń qurylysymen 25 kompaniia ainalysatyny atap ótildi. Negizgi qurylys jumystary «Batys 2» turǵyn alabynda júrgiziledi.
Turǵyn úidiń 1 sh. m. quny kommertsiialyq turǵyn úilerdiń qabatyna bailanysty 140 000 – 160 000 teńge.
Sonymen qatar, spiker «Nurly jer» baǵdarlamasynyń ózgeristeri týraly da aityp ótti.
