Aqtóbe oblysy Qoǵamdyq densaýlyq saqtaý departamenti mamandary profilaktikalyq ekpelerdiń qajettiligin túsindirý jumystarynyń nátijesinde 562 balanyń ata-anasy ekpe jasaýǵa kelisim berdi.
Bul týraly Aqtóbe oblysynyń Óńirlik kommýnikatsiialar qyzmetindegi oblys aýmaǵynda biologiialyq qaýipsizdikti qamtamasyz etý týraly baspasóz konferentsiiasy barysynda departament basshysy Nursulý Berkimbaeva aitqan bolatyn.
«Ekpeden bas tartýshylarmen turaqty túrde túsindirý jumystary júrgizilýde. Bizdiń mamandardyń ata-analarmenkezdesýlerinen keiin562 bala profilaktikalyq ekpelerin ala bastady. Biraq, ókinishke orai, búgingi kúni shamamen 2,6 myń adam áli de vaktsinatsiiadan bas tartyp otyr. Bas tartý - ata-anasynyń aldamshy birbetkeiligi, sonyń áserinen balalary zardap shegedi. Kámeletke tolmaǵandardyń taǵdyry qoldarynda bola tura, olardyń densaýlyqtaryn oilamai, óz oilary men senimderine berik bolǵan ata-analar ekpege qarsy ustanymyn, kózqarasyn qorǵaýda. Bul jaǵdaida ekpeden bas tarta otyryp, balanyń ómiri men densaýlyǵyn qaýipke ushyratýdan ata-analardy eshnárse aqtai almaidy», - dedi Nursulý Berkimbaeva.
1970-shi jyldardyń sońynda Dúniejúzilik densaýlyq saqtaý uiymynyń bastamasymen ótkizilgen tabiǵi sheshekke qarsy egýler búkil álemde sheshek aýrýynyń tolyq joiylýyna ákeldi. Balalar men eresekterge júrgizilgen kúlge qarsy jappai egý nátijesinde joǵary immýndyq top quryldy. Aqtóbe oblysynda 1998 jyldan bastap, bir de bir adam kúl aýrýymen, 1985 jyldan beri poliomielit aýrýymen aýyrmaǵan. Immýndaýdyń arqasynda qyzylsha aýrýynyńtaralýyna tolyq baqylaýǵa qol jetkizildi. Osylaisha, 2016 jyly respýblika boiynsha aýrýshańdyq 2015 jylmen salystyrǵanda 19,5 ese tómendedi (2015 jyly - 2341 jaǵdai, 2016 jyly - 122 jaǵdai).
«Biraq, sońǵy jyldary halyqtyń juqpaly aýrýlardyń aýyr asqynýǵa jáne ólimge ákelýin umytyp, profilaktikalyq egýlerden kóbirek bas tarta bastaý saldarynan vaktsinamen basqarylatyn juqpaly aýrýlardyń qaýyrt taralý qaýpin arttyrdy», - dep atap ótti spiker.
Onyń aitýynsha, ekpemen qamtý deńgeiiniń tómendeýi ujymdyq qorǵanystyń joǵalýyna, iaǵni juqpaly aýrýlardyń paida bolýyna jáne taralýyna ákeledi.
«Kezinde Qazaqstandaǵy immýndaý jumysynyń buzylýy aýrýǵa beiim tulǵalardyń jinaqtalýyna jáne kúl aýrýynyń qaýyrt taralýynajol berdi. Sol kezde 1995 jyly respýblikada 1105 adam naýqastanǵan, sonyń ishinde 66 adamdy, ókinishke qarai, qutqarýmúmkin bolmady. Qaýipti aýrýlar tsikldik sipatqa ie ekendigin atap ótý kerek. Belgili bir kezeńde olardyń taralý qaýpi báseńdeýi múmkin. Qazir biz infektsiialardyń ósý tsikli jaǵdaiynda ómir súrýdemiz. Sondyqtan qoǵamdyq densaýlyq saqtaý departamenti halyqty vaktsinatsiialaý boiynsha tabandy jumystar atqarýda. Atalǵan jumystar Qoǵamdyq densaýlyq saqtaý komitetiniń organdary men uiymdarynyń epidemiologtary, bakteriologtary, virýsologtary jáne sanitariialyq dárigerlerimen júrgizilýde. Búgingi kúni oblystyq qoǵamdyq densaýlyq saqtaý qyzmetinde 55 epidemiolog, 101 bakteriolog jáne 80 sanitariialyq dárigerler jumys jasaidy. Ol mamandardyń 56%-nyń biliktilik sanattary bar», - dedi N. Berkimbaeva.
