اقتٶبە وبلىسى قوعامدىق دەنساۋلىق ساقتاۋ دەپارتامەنتٸ ماماندارى پروفيلاكتيكالىق ەكپەلەردٸڭ قاجەتتٸلٸگٸن تٷسٸندٸرۋ جۇمىستارىنىڭ نەتيجەسٸندە 562 بالانىڭ اتا-اناسى ەكپە جاساۋعا كەلٸسٸم بەردٸ.
بۇل تۋرالى اقتٶبە وبلىسىنىڭ ٶڭٸرلٸك كوممۋنيكاتسييالار قىزمەتٸندەگٸ وبلىس اۋماعىندا بيولوگييالىق قاۋٸپسٸزدٸكتٸ قامتاماسىز ەتۋ تۋرالى باسپاسٶز كونفەرەنتسيياسى بارىسىندا دەپارتامەنت باسشىسى نۇرسۇلۋ بەركٸمباەۆا ايتقان بولاتىن.
«ەكپەدەن باس تارتۋشىلارمەن تۇراقتى تٷردە تٷسٸندٸرۋ جۇمىستارى جٷرگٸزٸلۋدە. بٸزدٸڭ مامانداردىڭ اتا-انالارمەنكەزدەسۋلەرٸنەن كەيٸن562 بالا پروفيلاكتيكالىق ەكپەلەرٸن الا باستادى. بٸراق, ٶكٸنٸشكە وراي, بٷگٸنگٸ كٷنٸ شامامەن 2,6 مىڭ ادام ەلٸ دە ۆاكتسيناتسييادان باس تارتىپ وتىر. باس تارتۋ - اتا-اناسىنىڭ الدامشى بٸربەتكەيلٸگٸ, سونىڭ ەسەرٸنەن بالالارى زارداپ شەگەدٸ. كەمەلەتكە تولماعانداردىڭ تاعدىرى قولدارىندا بولا تۇرا, ولاردىڭ دەنساۋلىقتارىن ويلاماي, ٶز ويلارى مەن سەنٸمدەرٸنە بەرٸك بولعان اتا-انالار ەكپەگە قارسى ۇستانىمىن, كٶزقاراسىن قورعاۋدا. بۇل جاعدايدا ەكپەدەن باس تارتا وتىرىپ, بالانىڭ ٶمٸرٸ مەن دەنساۋلىعىن قاۋٸپكە ۇشىراتۋدان اتا-انالاردى ەشنەرسە اقتاي المايدى», - دەدٸ نۇرسۇلۋ بەركٸمباەۆا.
1970-شٸ جىلداردىڭ سوڭىندا دٷنيەجٷزٸلٸك دەنساۋلىق ساقتاۋ ۇيىمىنىڭ باستاماسىمەن ٶتكٸزٸلگەن تابيعي شەشەككە قارسى ەگۋلەر بٷكٸل ەلەمدە شەشەك اۋرۋىنىڭ تولىق جويىلۋىنا ەكەلدٸ. بالالار مەن ەرەسەكتەرگە جٷرگٸزٸلگەن كٷلگە قارسى جاپپاي ەگۋ نەتيجەسٸندە جوعارى يممۋندىق توپ قۇرىلدى. اقتٶبە وبلىسىندا 1998 جىلدان باستاپ, بٸر دە بٸر ادام كٷل اۋرۋىمەن, 1985 جىلدان بەرٸ پوليوميەليت اۋرۋىمەن اۋىرماعان. يممۋنداۋدىڭ ارقاسىندا قىزىلشا اۋرۋىنىڭتارالۋىنا تولىق باقىلاۋعا قول جەتكٸزٸلدٸ. وسىلايشا, 2016 جىلى رەسپۋبليكا بويىنشا اۋرۋشاڭدىق 2015 جىلمەن سالىستىرعاندا 19,5 ەسە تٶمەندەدٸ (2015 جىلى - 2341 جاعداي, 2016 جىلى - 122 جاعداي).
«بٸراق, سوڭعى جىلدارى حالىقتىڭ جۇقپالى اۋرۋلاردىڭ اۋىر اسقىنۋعا جەنە ٶلٸمگە ەكەلۋٸن ۇمىتىپ, پروفيلاكتيكالىق ەگۋلەردەن كٶبٸرەك باس تارتا باستاۋ سالدارىنان ۆاكتسينامەن باسقارىلاتىن جۇقپالى اۋرۋلاردىڭ قاۋىرت تارالۋ قاۋپٸن ارتتىردى», - دەپ اتاپ ٶتتٸ سپيكەر.
ونىڭ ايتۋىنشا, ەكپەمەن قامتۋ دەڭگەيٸنٸڭ تٶمەندەۋٸ ۇجىمدىق قورعانىستىڭ جوعالۋىنا, ياعني جۇقپالى اۋرۋلاردىڭ پايدا بولۋىنا جەنە تارالۋىنا ەكەلەدٸ.
«كەزٸندە قازاقستانداعى يممۋنداۋ جۇمىسىنىڭ بۇزىلۋى اۋرۋعا بەيٸم تۇلعالاردىڭ جيناقتالۋىنا جەنە كٷل اۋرۋىنىڭ قاۋىرت تارالۋىناجول بەردٸ. سول كەزدە 1995 جىلى رەسپۋبليكادا 1105 ادام ناۋقاستانعان, سونىڭ ٸشٸندە 66 ادامدى, ٶكٸنٸشكە قاراي, قۇتقارۋمٷمكٸن بولمادى. قاۋٸپتٸ اۋرۋلار تسيكلدٸك سيپاتقا يە ەكەندٸگٸن اتاپ ٶتۋ كەرەك. بەلگٸلٸ بٸر كەزەڭدە ولاردىڭ تارالۋ قاۋپٸ بەسەڭدەۋٸ مٷمكٸن. قازٸر بٸز ينفەكتسييالاردىڭ ٶسۋ تسيكلٸ جاعدايىندا ٶمٸر سٷرۋدەمٸز. سوندىقتان قوعامدىق دەنساۋلىق ساقتاۋ دەپارتامەنتٸ حالىقتى ۆاكتسيناتسييالاۋ بويىنشا تاباندى جۇمىستار اتقارۋدا. اتالعان جۇمىستار قوعامدىق دەنساۋلىق ساقتاۋ كوميتەتٸنٸڭ ورگاندارى مەن ۇيىمدارىنىڭ ەپيدەميولوگتارى, باكتەريولوگتارى, ۆيرۋسولوگتارى جەنە سانيتارييالىق دەرٸگەرلەرٸمەن جٷرگٸزٸلۋدە. بٷگٸنگٸ كٷنٸ وبلىستىق قوعامدىق دەنساۋلىق ساقتاۋ قىزمەتٸندە 55 ەپيدەميولوگ, 101 باكتەريولوگ جەنە 80 سانيتارييالىق دەرٸگەرلەر جۇمىس جاسايدى. ول مامانداردىڭ 56%-نىڭ بٸلٸكتٸلٸك ساناتتارى بار», - دەدٸ ن. بەركٸمباەۆا.
