Aqtóbe oblysynyń ákimi Ońdasyn Orazalin óńirde qajetti dári-dármektiń 30 kúndik qory qalai jasaqtalǵanyn aityp berdi, dep habarlaidy QazAqparat.
«Qazirgi tańda oblysta indet juqtyrǵandardyń sany – 2753 bolsa, sonyń ishinde ókinishke qarai toǵyzy qaitys boldy. Biraq basym kópshiligi emdelip shyqty. Qazir bizde nebary 89 adam emdelýde. Kesheden bastap búginge deiin mysaly 17 jaǵdai tirkeldi. Bul – 0,6 paiyz. Árine, bizge pnevmoniia boiynsha salmaq túsip tur. Óńirde 7 773 naýqas tirkelgen. Sonyń 5 myńy emdelip shyqty. Biraq áli de provizorlyq statsionarda - 1600 naýqas, kúndizgi statsionarda - myńǵa jýyq adam emdelýde», - dedi Ońdasyn Orazalin Úkimet otyrysynda.
Oblys ákiminiń sózinshe, provizorlyq statsionarlardyń bári tolyǵymen ottegimen qamtamasyz etilgen.
«Indetpen kúreske meditsinalyq qyzmetkerleri barynsha kóptep tarttyq. Olardyń jalpy sany – 2400-den asady. Shilde aiynda ǵana jalpy meditsinalyq qyzmetkerler 536 mln teńgeniń ústemeaqysyn aldy. Sonymen birge pandemiia ýaqytynda meditsinalyq ýniversitet dárigerlerge úlken septigin tigizip jatyr. 200-ge tarta rezident aýrýhanalardaǵy jumystarǵa tartylǵan», - dedi ol.
Ońdasyn Orazalin sonymen qatar búgingi kúni provizorlyq jáne infektsiialyq statsionarlar «SQ-Farmatsiia» kompaniiasymen aptasyna eki ret medikamenttermen qamtamasyz etiletinin jetkizdi.
«Alaida jergilikti biýdjettiń esebinen RF Orynbor oblysynan biz eń qajet 25 túrli 117 myń importtyq preparatty satyp aldyq. Osynyń arqasynda oblystaǵy barlyq aýrýhanalar qajetti dári-dármek pen jeke qorǵanys quraldarynyń 30 kúndik qory qalyptasty», - dedi ol.
