4 jeltoqsan kúni Aqtóbe oblysynyń ákimi Berdibek Saparbaev apparat jinalysynda oblys ákiminiń áleýmettik máseleler jónindegi jańa orynbasaryn tanystyrdy. QR Prezidenti ákimshiligimen kelise otyra, óńir basshysynyń buiryǵymen oblys ákiminiń orynbasary bolyp Toqjanov Marat Luqpanuly taǵaiyndaldy.
Berdibek Saparbaev jańa orynbasaryna aldaǵy birqatar negizgi mindetterdi qoidy. Olardyń qatarynda memlekettik áleýmettik baǵdarlamalardy tiimdi júzege asyrý, bilim berý jáne meditsinalyq qyzmet kórsetý sapasyn jaqsartý, áleýmettik saladaǵy memlekettik-jeke seriktestikti damytý, mádeni-demalys qyzmetin jandandyrý, dene shynyqtyrý men sportty dáripteý, ardagerlerge, zeinetkerlerge, múgedekter men az qamtylǵan azamattarǵa kórsetiletin áleýemttik kómekti kúsheitý, qoǵamdyq uiymdardy damytý jáne t.b. suraqtary bar.
«Bular bizdiń búgingi basymdyqtarymyz. Sizdiń áleýmettik saladaǵy úlken tájiribeńiz qoiylǵan mindetterdi sapaly sheshýge múmkindik beretinine senemin. Osynyń bári aqtóbelikterdiń áleýmettik ál-aýqatyn damytý úshin mańyzdy », - dep atap kórsetti oblys basshysy.
Marat Toqjanov 1965 jyly Batys Qazaqstan oblysynda týǵan. Bilimi joǵary, Qaraǵandy memlekettik ýniversitetin, Qazaq memlekettik zań akademiiasy men Batys Qazaqstan injenerlik-gýmanitarlyq ýniversitetin tarih jáne qoǵamtaný pániniń muǵalimi, zańger mamandyqtary boiynsha bitirgen. Ekonomika ǵylymdarynyń magistri.
Eńbek jolyn 1990 jyly Jezqazǵan oblysynyń Sátbaev qalasyndaǵy mektep-internatynyń muǵalimi bolyp bastaǵan.
1990 – 1999 jyldary Batys Qazaqstan aýyl sharýashylyǵy institýtynyń saiasi tarih kafedrasynyń assistenti, «Aqjaiyq LTD» JShS direktory,Qazaqstan Respýblikasy Bilim jáne ǵylym ministrliginińarheologiia institýtynyńǵylymi qyzmetkeri boldy.
Ár túrli jyldary Almaty qalalyq aqparat jáne qoǵamdyq kelisim basqarmasynda, Qazaqstan Respýblikasy energetika, indýstriia jáne saýda ministrliginiń memlekettik materialdyq qor boiynsha komitetiniń bóliminde, QR Ádilet ministrliginiń ishki ákimshilendirý departamentiniń baqylaý bóliminde basshylyq qyzmetterdi atqardy.
2004 jyly Temirtaý qalasyndaǵy ádilet basqarmasyna basshylyq qyzmetke taǵaiyndalady.
2007-2017 jyldar aralyǵynda Oral qalasy ákiminiń orynbasary, BQO Shyńǵyrlaý aýdanynyń ákimi, BQO bilim basqarmasynyń basshysy, BQO ishki saiasat basqarmasynyń basshysy, BQO ákimi apparatynyń basshysy jáne BQO ákiminiń orynbasary bolǵan.
2018 jyldyń qańtar aiynan bastap sońǵy taǵaiyndaýyna deiin QR kásipodaq uiymdary federatsiiasynyń basshysy boldy.
