Foto: ©REUTERS
Qazaqstandyq ákimder qandai kólikpen júredi jáne jaiaý júre me? Bul týraly "Diapazon" basylymynyń materialynda aityldy, - dep habarlaidy Tengrinews.kz.
Ótken aptada elimizdiń áleýmettik-ekonomikalyq damýyna arnalǵan keńeste Prezident Qasym-Jomart Toqaev qazaqstandyq qalalardy abattandyrýǵa kóńil bólýge shaqyrdy.
"Ákimder óz qalalary men eldi mekenderinde jaiaý júrýi kerek", - dedi Memleket basshysy.
Osyǵan bailanysty "Diapazon" tilshileri ákimder jaiaý júre me, ózderinen surap kórdi. Aqtóbe ákimi Murat Jýrebekovtiń qyzmettik kóligi - Kia Quoris, 2014 jylǵy.
"Kólikti qoldanamyn. Bul rette jumys kúnderi de, demalys kúnderi de kóshelerde, turǵyn úiler, aýlalarda jaiaý júremin", – deidi Murat Júrebekov.
Al Aqtóbe oblysynyń ákimi Eraly Toǵjanov qyzmettik kóligi - Lexus, 2012 jyly shyǵarylǵanyn aitty.
"Aýdan, aýyldarǵa jaiaý bara almaimyn. Ózderińiz túsinesizder, araqashyqtyq az emes. Qalada barlyq jerde nysandarǵa jaiaý barýǵa múmkindik bolmaidy. Meniń oiymsha, jaiaý júremiz degen kórinis jasaý eshkimge qajet emes. Obektiv túrde kólikpen barý kerek jerge - kólikpen baramyz. Qai jerde jaiaý júrýge bolady, árine, jaiaý júremiz", - dedi Eraly Toǵjanov.
