Aqtóbede mektep oqýshysyna nápsiqumarlyq sipattaǵy zorlyq kórsetý dereginen soń bilim ordasynyń ákimshiligigine qatysty qylmystyq is qozǵaldy, dep habarlaidy "Ult aqparat".
Aqtóbede orta mekteptiń 1 synyp oqýshysyna nápsiqumyrlyq sipatta zorlyq kórsetti degen kúdikke qatysty tergeý júrip jatyr. Keiin Bilim jáne ǵylym ministrliginiń ókilderi arnaiy kelip, balamen, onyń ata-anasymen kezdesti. Birden mektep direktory men onyń orynbasary jumystan ýaqytsha shettetildi. Al búgin qylmystyq is qozǵalǵany belgili bolyp otyr.
«Qylmystyq kodekstiń «Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tiisinshe oryndamaý» baby boiynsha is qozǵaldy», - dep habarlady oblystyq PD baspasóz qyzmeti.
Bul baptyń sanktsiiasynda «belgili bir laýazymdardy atqarý nemese belgili bir qyzmetpen ainalysý quqyǵynan úsh jylǵa deiingi merzimge aiyra otyryp nemese onsyz, eki myń ailyq eseptik kórsetkishke deiingi mólsherde aiyppul salýǵa ne sol mólsherde túzeý jumystaryna ne alty júz saǵatqa deiingi merzimge qoǵamdyq jumystarǵa tartýǵa ne eki jylǵa deiingi merzimge bas bostandyǵyn shekteýge ne sol merzimge bas bostandyǵynan aiyrýǵa jazalanady.
