Aqtóbede zaýyttaǵy bes jumysshynyń ólimine qatysty aiyptalǵan úsh sottalýshy sot zalynan aqtalyp shyqty, dep habarlaidy "Ult aqparat".
Aqtóbe hrom qosyndylary zaýytynda jumysshylar syiymdylyǵy 50 tekshe metr bolatyn bakti tazartqan. Keiin bireýi aqaýdy kórip, ishine kiredi. Shyqpaǵan soń taǵy úsheýi túsken. Tórteýi oqiǵa ornynda kóz jumady. Eki adam jedel járdem aýrýhanasyna jetkizilgen. Atalǵan fakti boiynsha oblystyq politsiia departamenti Qylmystyq kodekstiń «Abaisyzda eki jáne odan da kóp adamnyń ólimine ákep soqqan qaýipsizdik tehnikasyn buzý» baby boiynsha tergeý júrgizip, is qozǵalǵan edi.
Búgin osy iske qatysty sot úkimi shyqty.
№2 Aqtóbe qalalyq soty sottalýshy Rýstam Baltaǵojin, Turar Bisembin, Ótesin Muhanovqa qatysty Qylmystyq kodekstiń «Eńbekti qorǵaý qaǵidalaryn buzý» baby boiynsha is qaraldy. Tseh bastyǵy Rýstam Baltaǵojin, aýysym sheberi Turar Bisembin jáne sheber Ótesin Muhanovqa bes jumysshynyń ólimine qatysty aiyp taǵyldy. Sottalýshylar ózderin aqtaýdy surady. Jábirlenýshiler sottalýshylardy bas bostandyǵynan aiyrmaýdy, jaza taǵaiyndaýdy sotqa qaldyrǵanyn aitty. Prokýror 3 jylǵa bas bostandyǵynan aiyrýdy surady. Qylmys quramy bolmaǵan soń sot úkimimen sottalýshylar aqtaldy. Olar zańsyz qylmystyq jaýapqa tartylǵany úshin sot shyǵynyn ótei alady», - dep habarlady №2 Aqtóbe qalalyq sotynyń baspasóz qyzmeti.
Sot úkimi kúshine engen joq.
