Foto:gov.kz
Aqtóbe oblysynyń ákimi Eraly Toǵjanovtyń ókimimen, QR Prezident ákimshiligi jáne qala máslihatynyń kelisimimen Aqtóbe qalasynyń ákimi bolyp Murat Júrebekov taǵaiyndaldy, dep habarlaidy "Ult aqparat".
Búgin shahardyń jańa ákimin qala aktivine óńir basshysy tanystyrdy.
Murat Jórebekov 1978 jyly Aqtóbe oblysynda dúniege kelgen. Jubanov atyndaǵy Aqtóbe memlekettik ýniversitetin, «Strathclyde» ýniversitetin (Shotlandiia, Glazgo q.), «Basqarýshy qyzmetkerlerge arnalǵan baǵdarlama» mamandyǵy boiynsha Garvard biznes mektebin (AQSh, Boston q.), 2019 jyly Qazaq-Britan tehnikalyq ýniversitetin támamdaǵan.
Eńbek jolyn 2001 jyly «QazTransGaz» JAQ Qarashyǵanaq jobasy boiynsha departamenttiń biýdjettik baqylaý jónindegi bas mamany retinde bastaǵan. Túrli jyldary «Intergaz Ortalyq Aziia» JAQ, London qalasyndaǵy «Adjip KKO», «QazMunaiGaz» UK AQ, «PSA» JShS qyzmet etken.
2019 jylǵy shildeden jeltoqsanǵa deiin – QR energetika vitse-ministri, 2019 jyldyń jeltoqsan aiynan bastap qazirgi ýaqytqa deiin QR birinshi energetika vitse-ministri qyzmetin atqarǵan.
