«Aqtóbe» FK bas menedjeri Goran Velkovich pen bas bapker Vladimir Maminov jumystan bosatyldy, dep habarlaidy "Ult aqparat" klýbtyń baspasóz qyzmetine silteme jasap.
«Aqtóbe» FK basqarma tóraǵasy Artýr Smaǵulov komandanyń shetelde ótken alǵashqy oqý-jattyǵý jumysynan soń serb mamanymen kelisimshart jasaýdan bas tartty.
«Maýsymnyń resmi ashylýyna bir ai ýaqyt qaldy, al komanda áli jasaqtalmai jatyr. Selektsiia jumysy óte nashar júrgizildi. Qazirgi ýaqytta komanda damymai jatyr, oiyn órnegi de kórinbeidi. Men shuǵyl áreket jasaýǵa májbúr boldym», - dedi Artýr Smaǵulov.
Klýb búgin reseilik bas bapker Vladimir Maminovty da qyzmetinen bosatty.
«Jyldyń basynda jańa maýsymda komandany Vladimir Maminov jattyqtyrady degen sheshim shyqqan edi. Alǵashqy oqý-jattyǵý jiyndarynan soń komandanyń jaǵdaiy qanaǵattandyrmady. Joldastyq kezdesýler men komandanyń qaralymyndaǵy jańa oiynshylar kóńilden shyqpai, jańa maýsymǵa degen daiyndyq alańdaýshylyq týdyrdy. «Aqtóbe» FK basqarma tóraǵasy reseilik mamanmen kelisimshartqa qol qoimaý týraly sheshim qabyldady. Maminov Túrkiiadaǵy komanda qosynynan ketti. Búgin komandaǵa jańa bas bapker tanystyrylady», - dep habarlady klýbtyń baspasóz qyzmeti.
