«اقتٶبە» فك باس مەنەدجەرٸ گوران ۆەلكوۆيچ پەن باس باپكەر ۆلاديمير مامينوۆ جۇمىستان بوساتىلدى, دەپ حابارلايدى "ۇلت اقپارات" كلۋبتىڭ باسپاسٶز قىزمەتٸنە سٸلتەمە جاساپ.
«اقتٶبە» فك باسقارما تٶراعاسى ارتۋر سماعۇلوۆ كوماندانىڭ شەتەلدە ٶتكەن العاشقى وقۋ-جاتتىعۋ جۇمىسىنان سوڭ سەرب مامانىمەن كەلٸسٸمشارت جاساۋدان باس تارتتى.
«ماۋسىمنىڭ رەسمي اشىلۋىنا بٸر اي ۋاقىت قالدى, ال كوماندا ەلٸ جاساقتالماي جاتىر. سەلەكتسييا جۇمىسى ٶتە ناشار جٷرگٸزٸلدٸ. قازٸرگٸ ۋاقىتتا كوماندا دامىماي جاتىر, ويىن ٶرنەگٸ دە كٶرٸنبەيدٸ. مەن شۇعىل ەرەكەت جاساۋعا مەجبٷر بولدىم», - دەدٸ ارتۋر سماعۇلوۆ.
كلۋب بٷگٸن رەسەيلٸك باس باپكەر ۆلاديمير مامينوۆتى دا قىزمەتٸنەن بوساتتى.
«جىلدىڭ باسىندا جاڭا ماۋسىمدا كوماندانى ۆلاديمير مامينوۆ جاتتىقتىرادى دەگەن شەشٸم شىققان ەدٸ. العاشقى وقۋ-جاتتىعۋ جيىندارىنان سوڭ كوماندانىڭ جاعدايى قاناعاتتاندىرمادى. جولداستىق كەزدەسۋلەر مەن كوماندانىڭ قارالىمىنداعى جاڭا ويىنشىلار كٶڭٸلدەن شىقپاي, جاڭا ماۋسىمعا دەگەن دايىندىق الاڭداۋشىلىق تۋدىردى. «اقتٶبە» فك باسقارما تٶراعاسى رەسەيلٸك مامانمەن كەلٸسٸمشارتقا قول قويماۋ تۋرالى شەشٸم قابىلدادى. مامينوۆ تٷركيياداعى كوماندا قوسىنىنان كەتتٸ. بٷگٸن كومانداعا جاڭا باس باپكەر تانىستىرىلادى», - دەپ حابارلادى كلۋبتىڭ باسپاسٶز قىزمەتٸ.
