«Aqtóbe» halyqaralyq áýejaiyna Áliia Moldaǵulova esimi berildi, dep habarlaidy "Ult aqparat".
«Aqtóbe halyqaralyq áýejaiy» aktsionerlik qoǵamyna Áliia Moldaǵulovanyń esimin berý týraly qaýlyǵa QR Premer-Ministri Asqar Mamin qol qoidy. Qaýly «Qazaqstan Respýblikasynyń aýmaǵyndaǵy áýejailarǵa, porttarǵa, temirjol vokzaldaryna, temirjol stansalaryna, metropoliten stansalaryna, avtovokzaldarǵa, avtostansalarǵa, fizikalyq-geografiialyq jáne memleket menshigindegi basqa da obektilerge ataý berý, sondai-aq olardy qaita ataý, olardyń ataýlarynyń transkriptsiiasyn naqtylaý men ózgertý jáne memlekettik zańdy tulǵalarǵa, memleket qatysatyn zańdy tulǵalarǵa jeke adamdardyń esimin berý qaǵidalaryn bekitý týraly» Qazaqstan Respýblikasy Úkimetiniń 1996 jylǵy 5 naýryzdaǵy № 281 qaýlysyna sáikes shyǵaryldy.
«Birneshe ai buryn usynys engizilip, Úkimetke jiberildi. Usynysymyz qoldaý tapty. Endi Áliia Moldaǵulova atyndaǵy áýejai jazbasy ilinedi. Bul jumys bir ai ishinde atqarylady», - dedi áýejai direktorynyń orynbasary Iliias Nuǵmanov.
Aita keteiik, Aqtóbe áýejaiynan kúnine 8 reis ushady. Almaty, Nur-Sultan, Atyraý men Mańǵystaý baǵyty boiynsha ishki reis, aiyna bir ret Mysyrǵa bir reis qarastyrylǵan.
