Aqtóbede júrgizýshiler dizel otynynyń tapshylyǵyn aityp, kómek surady. Qazir óńir soliarkany Reseiden alýdy josparlap otyr, dep habarlaidy QazAqparat.
Aqtóbede júrgizýshiler soliarka tapshylyǵyn aityp, qoǵam nazaryn aýdardy.
«Tapshylyq bir basqa, baǵa da kóterildi. Buǵan deiin litrin 188 teńgege satyp alsaq, qazir 270-28 teńge boldy. Keibir janar-jaǵarmai stansasynda 250 teńge. Árkim óz baǵasyn usynyp otyr. Tasymaldaýshylar úshin qiyn», - dedi júrgizýshi Ádilbek Mahmutov. Onyń aitýynsha, janar-jaǵarmai stansalarynyń keibiri 50-150 litr soliarka quiýǵa ruqsat beredi. Al júk kóligi ár 100 shaqyrymǵa 35 litr jumsaidy. Saldarynan ár 100 shaqyrym saiyn toqtap, soliarka quiýǵa týra keledi. Al jolda ondai múmkindik joq ekenin alǵa tartty olar.
«Qazirgi ýaqytta Aqtóbe oblysy úsh munai óndirý zaýytynan dizel otynyn alady. Bireýi jóndeý júrgizý úshin ýaqytsha toqtaidy. Tapshylyq sodan tirkeldi. Sonymen birge qazirgi ýaqytta qorda 2 myń tonna soliarka bar. Onyń qansha ýaqytqa jetetinin naqty aita almaimyn. Biraq az ekeni anyq. Energetika ministligimen birlesip Reseiden 5,5 myń tonna dizel otynyn alý boiynsha máselesi boiynsha jumys pysyqtalyp jatyr. Kelgen soń jaǵdai jaqsara túsýi tiis. Qashan jetkiziletini belgisiz. Erkin saýdada soliarka bar. Degenmen shekteý de bar. Talonmen satylady», - Aqtóbe oblystyq kásipkerlik basqarmasy bóliminiń basshysy Dýman Dáýletiiarov.
