Qarjylyq monitoring agenttigi kiristerdi jylystatý men terrorizmdi qarjylandyrýǵa qarsy is-qimyl salasyn damytýdyń 2022-2026 jyldarǵa arnalǵan tujyrymdamasyn ázirledi, dep habarlaidy QazAqparat.
Qujat jobasy «Ashyq NQA» portalynda jariialandy.
Tujyrymdamanyń jobasy boiynsha, aktivterdi qaitarý saiasatyn qalyptastyryp, ony iske asyrýǵa qajetti quqyqtyq negiz túzetin, osy baǵytta halyqaralyq áriptestikti damytýǵa jaýapty Ulttyq úilestirýshi organ qurý kózdelip otyr.
Mundaǵy basty maqsat aktivterdi qaitarý isi jolǵa qoiylǵan, damyǵan elder men Qazaqstannyń iýrisdiktsiialary arasynda jaqyn bailanys ornatýǵa baǵyttalǵan.
Onyń ústine bul sybailas jemqorlyqqa qarsy saiasat tujyrymdamasyna da sáikes keledi. Naqtyraq aitsaq, negizsiz baiýǵa jaýapkershilik engizýdiń qisyndy jalǵasy bolmaq.
Al kapitaldyń jylystaýyna monitoring júrgizý jáne onyń málimetterin el basshylyǵy men Úkimetke habarlap otyrý sharasy múddeli memlekettik organdardyń kapitaldy zańsyz shyǵarýmen birlesip kúresýine jol ashady.
Sondai-aq, tujyrymdama aiasynda qylmystyq jolmen alynǵan kiristerdi shetelge shyǵarý máselelerin ulttyq táýekelder retinde baǵalaý úshin tiisti túzetýler qabyldanady.
«Zańsyz qarjy aǵyndarynyń kólemin esepteý ádistemesin ázirlep, sol boiynsha turaqty monitoring júrgizý tájiriebsin engizý josparlanýda.
Tujyrymdama aiasynda usynylatyn sharalar kesheni kúdikti operatsiialar jasaýdy, kapitaldyń jylystaýyn jáne kiristerdi jylystatýmen jáne terrorizmdi qarjylandyrýmen bailanysty basqa da zańsyz is-áreketterdi qysqartýǵa baǵyttalǵan», - dep jazylǵan tujyrymdama jobasynda.
Qujattyń tolyq nusqasyn myna jerden kórýge bolady. Tujyrydama jobasy 13 sáýirge deiin «Ashyq NQA» saitynda qoǵamnyń talqylaýyna usynylyp otyr.
Aita keteiik, buǵan deiin QR Úkimeti janynan ekonomikany monopoliiasyzdandyrý jónindegi komissiia qurylǵan bolatyn.
