Tanymal akter Júsip Aqshora otandyq telearnalardyń birine bergen suhbatynda osy kúnge deiin memlekettik marapat almaǵanyna qatysty pikir bildirdi, dep habarlaidy ult.kz.
Óner iesiniń aitýynsha, ataq pen marapat ol úshin basty qundylyq emes.
«Bul múlde mańyzdy emes. Bireýdiń maǵan ataq bergeni kerek emes. Tipti “Halyq ártisi” ataǵynyń da qajeti joq. Eger halyq seni tanyp, sýretke túsip, “Assalaýmaǵaleikým” dep qurmet kórsetse — sol jetkilikti. Naǵyz halyq ártisi degen sol», — dedi akter.
Aita keteiik, buǵan deiin birqatar óner adamdary Prezident Qasym-Jomart Toqaevtyń qolynan memlekettik marapattar men syilyqtar alǵan bolatyn. Marapat ieleriniń qatarynda ánshi Dastan Orazbekov te bar.
Sol kezde áleýmettik jeli qoldanýshylary «Shanshar» ázil-syqaq teatrynyń akterleri Ýálibek Ábdiraiymov pen Júsip Aqshoranyń áli kúnge deiin memlekettik nagrada almaǵanyn jarysa jazǵan edi.
